Лінкі ўнівэрсальнага доступу

Палата прадстаўнікоў Кангрэсу ЗША падоўжыла дзеяньне "Акту аб дэмакратыі для Беларусі"


Радыё Свабода Палата прадстаўнікоў Кангрэсу ЗША ў пятніцу прагаласавала за працяг яшчэ на два гады тэрміну дзеяньня "Акту аб дэмакратыі для Беларусі", які прадугледжвае падтрымку дэмакратычных працэсаў у Беларусі, а таксама эканамічныя санкцыі супраць беларускіх уладаў за парушэньні правоў чалавека.

Дакумэнт таксама прадугледжвае выдаткаваньне з фэдэральнага бюджэту ЗША 27,5 млн. даляраў на падтрымку дэмакратычных працэсаў у Беларусі. Законапраект падтрымалі 397 кангрэсмэнаў, і толькі два галасавалі супраць.

У дакумэнце адзначаецца, што Злучаныя Штаты патрабуюць неадкладнага вызваленьня палітычных вязьняў у Беларусі, не прызнаюць вынікаў сёлетніх прэзыдэнцкіх выбараў у Беларусі, а таксама не прызнаюць у будучыні вынікаў любога рэфэрэндуму, які касуе незалежнасьць Беларусі.

Нагадаем, што "Акт аб дэмакратыі для Беларусі" быў упершыню прыняты Кангрэсам ЗША ў кастрычніку 2004 году.
XS
SM
MD
LG