Лінкі ўнівэрсальнага доступу

logo-print

Анжаліка Борыс — на допыце ў КДБ


Сяргей Астраўцоў, Гародня Кіраўнік не прызнанага ўладамі Саюзу палякаў Анжаліка Борыс знаходзіцца на допыце ў Гарадзенскай абласной управе КДБ. Яна зьяўляецца сьведкай у крымінальнай справе аб кантрабандзе наркотыкаў.

На допыт быў выкліканы таксама яе кіроўца Анджэй Лісоўскі, але ён папрасіў дапытаць яго ў іншы час, паколькі захварэў ягоны адвакат. Спадар Лісоўскі зьяўляецца падазраваным у гэтай жа справе.

29 кастрычніка аўтамабіль, у якім ехалі А.Лісоўскі, А.Борыс і іх калега, затрымалі на памежным пераходзе Прывалка, што на поўначы Гарадзенскага раёну на мяжы зь Літвой. Падчас агляду машыны, мытнікі раскруцілі люстэрка, у якім знайшлі парашок, які аказаўся наркотыкам. Галоўная рада Саюзу палякаў назвала гэтае здарэньне правакацыяй.
XS
SM
MD
LG