Сваякі й аднадумцы палітыка імкнуцца паспрыяць таму, каб патрабаваньне Казуліна адносна ААН выканалі. 29 лістапада жонка Казуліна Ірына і намесьнік старшыні Беларускай сацыял-дэмакратычнай партыі (Грамады) Аляксей Кароль сустрэліся з амбасадарам Нямеччыны Марцінам Гэкерам і амбасадарам Францыі Стэфанам Шмялеўскім. Ірына Казуліна распавяла “Свабодзе” пра вынікі размовы.
(Казуліна: ) “Амбасадары вельмі непакояцца за яго. Яны паабяцалі, што тэрмінова паінфармуюць міністэрствы замежных спраў сваіх краінаў пра тое, што Аляксандар просіць паставіць ў Радзе Бясьпекі ААН пытаньне пра парушэньні правоў чалавека ў Беларусі. Таксама яны занепакоеныя тым, што да мужа не пускаюць адваката — такім чынам яго пазбавілі юрыдычнай дапамогі”.
Ірына Казуліна сказала, што разьлічвае 30 лістапада на сустрэчу з кіраўніцтвам амбасады ЗША ў Беларусі.
Нагадаем, былы кандыдат на прэзыдэнта Аляксандар Казулін застаецца ў няволі з 25 сакавіка. Шэраг міжнародных арганізацыяў прызналі яго вязьнем сумленьня.
(Казуліна: ) “Амбасадары вельмі непакояцца за яго. Яны паабяцалі, што тэрмінова паінфармуюць міністэрствы замежных спраў сваіх краінаў пра тое, што Аляксандар просіць паставіць ў Радзе Бясьпекі ААН пытаньне пра парушэньні правоў чалавека ў Беларусі. Таксама яны занепакоеныя тым, што да мужа не пускаюць адваката — такім чынам яго пазбавілі юрыдычнай дапамогі”.
Ірына Казуліна сказала, што разьлічвае 30 лістапада на сустрэчу з кіраўніцтвам амбасады ЗША ў Беларусі.
Нагадаем, былы кандыдат на прэзыдэнта Аляксандар Казулін застаецца ў няволі з 25 сакавіка. Шэраг міжнародных арганізацыяў прызналі яго вязьнем сумленьня.
