Лінкі ўнівэрсальнага доступу

У Варшаве адбылася акцыя салідарнасьці з Аляксандрам Казуліным (фота)


Аляксей Дзікавіцкі, Варшава Каля 15 беларусаў, якія жывуць у Варшаве, прыйшлі да помніка Адаму Міцкевічу? што ў самым цэнтры польскай сталіцы, каля прэзыдэнцкага палацу, зь бел-чырвона-белымі сьцягамі і партрэтамі Аляксандра Казуліна.

Гаворыць адзін з удзельнікаў акцыі, студэнт Аляксандар Ляўковіч.

(Ляўковіч: ) “Мы, студэнты, прыйшлі падтрымаць спадара Казуліна, павіншаваць з днём народзінаў. Няхай трымаецца, дбае пра сваё здароўе. Мы ганарымся, што такія людзі ёсьць у Беларусі”.

Удзельнікаў акцыі падтрымлівалі жыхары польскай сталіцы, што праходзілі побач.

(Варшавянка: ) “Канешне, падтрымліваю! Калі людзі церпяць за праўду, як калісьці было ў нас у камуністычныя часы, іх трэба падтрымліваць. Мусіць быць салідарнасьць, і гэтага вам жадаю”, – сказала жыхарка Варшавы.

Прысутныя таксама заклікалі Аляксандра Казуліна спыніць галадоўку.

(Крыштон: ) “Улічваючы тое, што спадар Казулін стараецца слухаць радыё Свабода за кратамі, просім Вас, спыніце галадоўку! Вы, вашае здароўе патрэбныя Беларусі, нашым дзецям”, – заявіў арганізатар пікету Ігар Крыштон.









XS
SM
MD
LG