Ініцыятарамі імпрэзы стаў Эўрапейскі Гуманітарны Ўнівэрсытэт. “Нашу Ніву” прадстаўлялі галоўны рэдактар Андрэй Дынько, ягоны намесьнік Андрэй Скурко і фатограф “НН” Андрэй Лянкевіч.
Напачатку студэнты-беларусісты ЭГУ паказалі літаратурна-мастацкую кампазыцыю й вялікае слайд-шоў “Вандроўкі па нашаніўскіх мясьцінах Вільні”, а таксама прасьпявалі песьню на верш Янкі Купалы, прысьвечаны “Нашай Ніве”.
Зь вітальным словам па-беларуску да прысутных зьвярнуўся рэктар ЭГУ акадэмік Анатоль Міхайлаў. З прамовамі выступілі й былы міністар замежных спраў Беларусі Пятро Краўчанка, амбасадар Ірляндыі ў Літве, прадстаўнікі творчай інтэлігенцыі Літвы, Беларусі, Польшчы і Ўкраіны, а таксама ўдзельнікі круглага стала “Праблемы міжкультурнай камунікацыі”, што гэтымі днямі праходзіць на Катэдры беларусістыкі Віленскага пэдагагічнага ўнівэрсытэту.
Падчас вечарыны быў прэзэнтаваны сайт “Нашай нівы” -- адмысловы праект Катэдры беларусістыкі ЭГУ з фота-слайдамі Андрэя Лянкевіча пра падзеі 2006 году ў Беларусі.
Наладжана было й адкрыцьцё фотавыставы Дзяніса Раманюка.
Напачатку студэнты-беларусісты ЭГУ паказалі літаратурна-мастацкую кампазыцыю й вялікае слайд-шоў “Вандроўкі па нашаніўскіх мясьцінах Вільні”, а таксама прасьпявалі песьню на верш Янкі Купалы, прысьвечаны “Нашай Ніве”.
Зь вітальным словам па-беларуску да прысутных зьвярнуўся рэктар ЭГУ акадэмік Анатоль Міхайлаў. З прамовамі выступілі й былы міністар замежных спраў Беларусі Пятро Краўчанка, амбасадар Ірляндыі ў Літве, прадстаўнікі творчай інтэлігенцыі Літвы, Беларусі, Польшчы і Ўкраіны, а таксама ўдзельнікі круглага стала “Праблемы міжкультурнай камунікацыі”, што гэтымі днямі праходзіць на Катэдры беларусістыкі Віленскага пэдагагічнага ўнівэрсытэту.
Падчас вечарыны быў прэзэнтаваны сайт “Нашай нівы” -- адмысловы праект Катэдры беларусістыкі ЭГУ з фота-слайдамі Андрэя Лянкевіча пра падзеі 2006 году ў Беларусі.
Наладжана было й адкрыцьцё фотавыставы Дзяніса Раманюка.