15 лістапада стала “чорным” днём для некаторых камэрсантаў менскага рынку Шабаны. Расказвае бізнэсовец Аляксандар Драніцкі:
(Драніцкі: ) “Зачынены гандлёвыя кропкі гандлю бакалейнымі таварамі, кандытарскімі вырабамі, рыбай сьвежамарожанай і нават салёнай, дзьве кропкі продажу сьвежага мяса. Ад 20 да 30 гандлёвых кропак зачынена. І такім тэрміновым шляхам… Не далі нават апамятацца. Тут на пярэднім краі цэнтар гігіены і эпідэміялёгіі. Падставы – сьмехатворныя, я б сказаў: няма пляцоўкі для разгрузкі тавару”.
Рашэньне пра забарону гандлю на рынку Шабаны вынесла санэпідслужба Заводзкага раёну. Вось як пракамэнтавала гэты крок загадчыца аддзелу гігіены й харчаваньня Марына Сьвірыд:
(Сьвірыд: ) “Па рынку Шабаны вынесена пастанова аб забароне гандлю асобных відаў тавараў: у прыватнасьці, рыбнай прадукцыяй, хлебабулачнай прадукцыяй, бакалейнай прадукцыяй у сувязі з невыкананьнем шэрагу патрабаваньняў санітарных правіл. Там вялікая пастанова, яна вынесена з тэрмінам “пастаянна”. Яна ўручана ўсім прадпрымальнікам”.
На рынку ня вераць афіцыйным тлумачэньням. У асяродку гандляроў ёсьць некалькі вэрсіяў. Удзельнікі кампаніі “За свабоднае разьвіцьцё прадпрымальніцтва” лічаць, напрыклад, што гэтае рашэньне – частка буйнамаштабнага праекту. Яшчэ ў верасьні стаў вядомым намер уладаў увесьці новыя правілы на рынках, якія абмяжоўваюць тут гандаль некаторымі прадуктамі харчаваньня.
Антыпрадпрымальніцкая ініцыятыва ў Шабанах, як лічыць лідэр прадпрымальнікаў Віктар Гарбачоў, сьведчыць пра рэалізацыю такой палітыкі:
(Гарбачоў: ) “Я так думаю, гэта ўваходзіць у пляны, у той праект у маштабах усяе краіны забараніць гандаль пэўнымі таварамі на рынках: бакалеяй, рыбай, кандытарскімі вырабамі. І тое, што творыцца на гэтым рынку, гэта толькі пачатак, першы крок уладаў – паглядзець, як павядуць сябе прадпрымальнікі”.
Бізнэсоўцы лічаць, што ўлады ставяць мэтай зьмяніць сытуацыю ў гандлёвай сфэры – зьменшыць продаж тавараў прыватнікамі на рынках і павялічыць у дзяржаўных крамах. Маўляў, праз гэта дзяржава і пабагацее.
(Драніцкі: ) “Зачынены гандлёвыя кропкі гандлю бакалейнымі таварамі, кандытарскімі вырабамі, рыбай сьвежамарожанай і нават салёнай, дзьве кропкі продажу сьвежага мяса. Ад 20 да 30 гандлёвых кропак зачынена. І такім тэрміновым шляхам… Не далі нават апамятацца. Тут на пярэднім краі цэнтар гігіены і эпідэміялёгіі. Падставы – сьмехатворныя, я б сказаў: няма пляцоўкі для разгрузкі тавару”.
Рашэньне пра забарону гандлю на рынку Шабаны вынесла санэпідслужба Заводзкага раёну. Вось як пракамэнтавала гэты крок загадчыца аддзелу гігіены й харчаваньня Марына Сьвірыд:
(Сьвірыд: ) “Па рынку Шабаны вынесена пастанова аб забароне гандлю асобных відаў тавараў: у прыватнасьці, рыбнай прадукцыяй, хлебабулачнай прадукцыяй, бакалейнай прадукцыяй у сувязі з невыкананьнем шэрагу патрабаваньняў санітарных правіл. Там вялікая пастанова, яна вынесена з тэрмінам “пастаянна”. Яна ўручана ўсім прадпрымальнікам”.
На рынку ня вераць афіцыйным тлумачэньням. У асяродку гандляроў ёсьць некалькі вэрсіяў. Удзельнікі кампаніі “За свабоднае разьвіцьцё прадпрымальніцтва” лічаць, напрыклад, што гэтае рашэньне – частка буйнамаштабнага праекту. Яшчэ ў верасьні стаў вядомым намер уладаў увесьці новыя правілы на рынках, якія абмяжоўваюць тут гандаль некаторымі прадуктамі харчаваньня.
Антыпрадпрымальніцкая ініцыятыва ў Шабанах, як лічыць лідэр прадпрымальнікаў Віктар Гарбачоў, сьведчыць пра рэалізацыю такой палітыкі:
(Гарбачоў: ) “Я так думаю, гэта ўваходзіць у пляны, у той праект у маштабах усяе краіны забараніць гандаль пэўнымі таварамі на рынках: бакалеяй, рыбай, кандытарскімі вырабамі. І тое, што творыцца на гэтым рынку, гэта толькі пачатак, першы крок уладаў – паглядзець, як павядуць сябе прадпрымальнікі”.
Бізнэсоўцы лічаць, што ўлады ставяць мэтай зьмяніць сытуацыю ў гандлёвай сфэры – зьменшыць продаж тавараў прыватнікамі на рынках і павялічыць у дзяржаўных крамах. Маўляў, праз гэта дзяржава і пабагацее.