На сьвяточнае набажэнства сабраліся вернікі з Горадні ды зь іншых мясьцінаў. Яно адбылося ў часовай капліцы пры будучым касьцёле Найсьвяцейшага Збавіцеля, што ў гарадзкім раёне “Дзевятоўка”. Душпастыр для грэка-каталікоў Горадні і Ліды Андрэй Крот паведаміў, што ў нядзелю будзе сьвяткаваньне ў Віцебску, дзе Язафат Кунцэвіч загінуў пакутніцкай сьмерцю. Яно адбудзецца ў Катэдральным касьцёле Сьвятой Барбары, а ўжо пазьней сьвяткаваць будуць у Берасьці, дзе ў 1596 годзе была падпісана Унія.
Я папрасіў айца Андрэя распавесьці пра гарадзенскіх уніятаў, якія сёньня ўдзельнічалі ва ўрачыстай службе.
(Крот: ) “У Горадні ёсьць некалькі дзясяткаў грэка-каталікоў, я быў прызначаны сюды каля Вялікадня, паўгады тут працую. Мы спрабавалі служыць нават кожны дзень, але асноўнае набажэнства адбываецца кожную нядзелю. Парафія мае свой будынак у цэнтры гораду на вуліцы Гараднічанскай, там разьмешчаная капліца і заля для сустрэчаў, для катэхезаў”.
Андрэй Крот зазначае, што парафіяне цяпер рыхтуюцца да рэканструкцыі будынку. Нядаўна пачаліся заняткі ў нядзельнай школцы пры парафіі. Дзецям выкладаюць асновы рэлігіі на беларускай мове.
У вобласьці грэка-каталікі ёсьць яшчэ ў двух гарадах:
(Крот:) “Таксама на Гарадзеншчыне ёсьць парафія ў Лідзе, там недзе дзясяткі тры актыўных вернікаў. Ёсьць суполкі, якія знаходзяцца ў стадыі арганізацыі, я хацеў бы назваць яшчэ суполку ў Слоніме, але на дадзены момант няма магчымасьці яе духоўна акармляць. Працэс яе рэгістрацыі мы мяркуем распачаць у бліжэйшы час і спадзяемся на хуткія вынікі ў гэтым”.
Я папрасіў айца Андрэя распавесьці пра гарадзенскіх уніятаў, якія сёньня ўдзельнічалі ва ўрачыстай службе.
(Крот: ) “У Горадні ёсьць некалькі дзясяткаў грэка-каталікоў, я быў прызначаны сюды каля Вялікадня, паўгады тут працую. Мы спрабавалі служыць нават кожны дзень, але асноўнае набажэнства адбываецца кожную нядзелю. Парафія мае свой будынак у цэнтры гораду на вуліцы Гараднічанскай, там разьмешчаная капліца і заля для сустрэчаў, для катэхезаў”.
Андрэй Крот зазначае, што парафіяне цяпер рыхтуюцца да рэканструкцыі будынку. Нядаўна пачаліся заняткі ў нядзельнай школцы пры парафіі. Дзецям выкладаюць асновы рэлігіі на беларускай мове.
У вобласьці грэка-каталікі ёсьць яшчэ ў двух гарадах:
(Крот:) “Таксама на Гарадзеншчыне ёсьць парафія ў Лідзе, там недзе дзясяткі тры актыўных вернікаў. Ёсьць суполкі, якія знаходзяцца ў стадыі арганізацыі, я хацеў бы назваць яшчэ суполку ў Слоніме, але на дадзены момант няма магчымасьці яе духоўна акармляць. Працэс яе рэгістрацыі мы мяркуем распачаць у бліжэйшы час і спадзяемся на хуткія вынікі ў гэтым”.