Лінкі ўнівэрсальнага доступу

logo-print

Наваполацак: актывіст абскарджвае забарону на пікет


Радыё Свабода Сёньня наваполацкі актывіст Валер Шаўчэнка чарговы раз зьвярнуўся са скаргаю да старшыні Віцебскага аблвыканкаму і ў абласную ўправу ўнутраных справаў. Ён спрабуе абскардзіць дзеяньні кіраўніцтва наваполацкага гарвыканкаму — у красавіку яму не дазволілі ладзіць штодзённыя пікеты ў абарону палітвязьняў на пляцоўцы каля гарадзкога палацу культуры.

Валер Шаўчэнка просіць прыцягнуць кіраўніцтва гарвыканкаму да адміністрацыйнай адказнасьці за парушэньне заканадаўства аб зваротах грамадзянаў.

Цягам апошніх шасьці месяцаў спадар Шаўчэнка ўжо накіроўваў скаргі, але яны не далі плёну. А вынікам іх, паводле актывіста, стаў штраф на пяць базавых велічыняў, які яму выпісалі за парушэньне правілаў паркоўкі аўтатранспарту.

Тым ня менш, як паведаміў Радыё Свабода Валер Шаўчэнка, ён пачынае другое кола “эпісталярнай сагі” — каб на прыкладзе адпісак службовых асобаў паказаць, што ў Беларусі парушаюцца законы й канстытуцыйныя правы грамадзянаў.
XS
SM
MD
LG