Лінкі ўнівэрсальнага доступу

У Італіі крытыкуюць псыхіятраў, якія суправаджалі Віку Мароз


Радыё Свабода “Ці дзейнічалі псыхоляг Ляўра Баталья і псыханэўроляг Антаньэта Сімі ў інтарэсах беларускай сіраты Вікі Мароз?” Такі запыт накіраваў у камісію па ахове здароўя Лігурыйскай рэгіянальнай Рады (парлямэнт італьянскай аўтаноміі) вядомы гэнуэзкі палітык і мэдык доктар Матэа Роса. У сваім лісьце ён піша, што „настаў час высьветліць, якую ролю ва ўсёй гэтай гісторыі адыгралі гэтыя італьянскія спэыялісткі.”

Менавіта Ляўра Баталья і Антаньэта Сімі суправаджалі Віку Мароз у Беларусь, а потым прадставілі ў Гэнуэзкі суд справаздачу аб умовах утрыманьня дзяўчынкі на радзіме. Італьянскія спэцыялісткі, у прыватнасьці, палічылі мэтазгодным часова ізаляваць Віку ад кантактаў зь сям’ёй Джуста-Барначын.

“Я глыбока перакананы ў тым, што абедзьве жанчыны жадалі лепшага дзяўчынцы”, – сьведчыць доктар Роса. Пры гэтым ён зьвяртае ўвагу на некаторыя дэклярацыі беларускіх дыпляматаў, якія цытуюцца ў італьянскай прэсе. Зь іх вынікае, што пэўную адказнасьць за адлучэньне дзяўчынкі ад сямейнай пары Джуста-Барначын нясуць менавіта Баталья і Сімі.

"У мяне ёсьць маральны і палітычны абавязак высьветліць, наколькі ўсё гэта так”, – заяўляе Матэа Роса. Паводле словаў доктара Роса, ён як сябра Нацыянальнай рады аховы здароўя будзе настойваць на адказе на свой запыт.
XS
SM
MD
LG