Нягледзячы на моцны дождж, каля дзясятка беларусаў, што жывуць у Варшаве, прыйшлі да будынку прадстаўніцтва АБСЭ, што ў цэнтры гораду, побач з амбасадамі вядучых краінаў сьвету зь бел-чырвона-белымі сьцягамі і плякатамі “Свабоду палітвязьням”, “Свабоду Аляксандру Казуліну”, “Дыктатара ў турму”.
Удзельнікі пікету перадалі ў канцылярыю прадстаўніцтва АБСЭ зварот, у якім расказваецца пра сытуацыю палітычных вязьняў у Беларусі і ўтрымліваецца заклік паўплываць на беларускія ўлады, каб тыя неадкладна вызвалілі ўсіх асуджаных паводле палітычных матываў.
(Крыштон: ) “Былы кандыдат на пасаду прэзыдэнта Аляксандр Казулін дагэтуль трымае галадоўку. Мы хочам яшчэ раз зьвярнуць увагу міжнароднай супольнасьці на гэты факт. Таксама патрабуем, каб у дачыненьні да рэжыму Лукашэнкі былі зробленыя адпаведныя крокі, каб вызваліць усіх палітвязьняў”,
– сказаў нашаму радыё адзін з арганізатараў пікету Ігар Крыштон.
Аналягічны зварот быў перададзены таксама ў канцылярыю дуаена дыпляматычнага корпусу ў Польшчы, апостальскага нунцыя арцыбіскупа Юзэфа Кавальчыка.
Удзельнікі пікету перадалі ў канцылярыю прадстаўніцтва АБСЭ зварот, у якім расказваецца пра сытуацыю палітычных вязьняў у Беларусі і ўтрымліваецца заклік паўплываць на беларускія ўлады, каб тыя неадкладна вызвалілі ўсіх асуджаных паводле палітычных матываў.
(Крыштон: ) “Былы кандыдат на пасаду прэзыдэнта Аляксандр Казулін дагэтуль трымае галадоўку. Мы хочам яшчэ раз зьвярнуць увагу міжнароднай супольнасьці на гэты факт. Таксама патрабуем, каб у дачыненьні да рэжыму Лукашэнкі былі зробленыя адпаведныя крокі, каб вызваліць усіх палітвязьняў”,
– сказаў нашаму радыё адзін з арганізатараў пікету Ігар Крыштон.
Аналягічны зварот быў перададзены таксама ў канцылярыю дуаена дыпляматычнага корпусу ў Польшчы, апостальскага нунцыя арцыбіскупа Юзэфа Кавальчыка.
