Сёньня супрацоўнікі Баранавіцкага райаддзелу ўнутраных спраў доўжаць дазнаньне, адкуль да 39-гадовага непрацуючага мясцовага жыхара трапіла вінтоўка з аптычным прыцэлам. Міліцыянты спынілі яго аўтамабіль два дні таму ў вёсцы Серабрышча. У "Мэрсэдэсе" і знайшлі незарэгістраваную зброю. Гэта адзін з апошніх фактаў, які спраўджвае наяўнасьць у жыхароў Беларусі “падпольнай”, так бы мовіць, зброі. І яна ў іх ня толькі ад часоў другой усясьветнай вайны, цьвердзіць былы начальнік міліцыі Віцебскай вобласьці, генэрал, экс-сьпікер Вярхоўнага Савету 12-га скліканьня Мечыслаў Грыб:
(Грыб: ) "Шмат зброі апынулася на руках пасьля распаду Савецкага Саюзу, пасьля распаду савецкай арміі, калі многія пачалі гандляваць ёю. Асабліва, што тычыцца пісталетаў, аўтаматаў, гранатаў, патронаў... Зразумела, і капальнікі таксама нешта маюць. Яны выкопваюць яе да сёньняшняга дня, прыводзяць у патрэбны стан і прадаюць".
Цікаўлюся, чаму людзі не трымаюць яе легальна:
(Грыб: ) "Шмат зброі незарэгістраванай таму, што каб цяпер мець легальную зброю і яе ўтрымліваць, патрэбна вельмі-вельмі шмат плаціць. Падвяргацца кантролю і плаціць-плаціць грошы".
А колькі канкрэтна, высьвятлялі ў Палаце прадстаўнікоў дэпутат Міхаіл Паплаўскі і намесьнік міністра ўнутраных спраў Віктар Філістовіч:
(Паплаўскі: ) "Як вызначалі кошт рэгістрацыі і перарэгістрацыі зброі? У нас да чаго даходзіць -- паставіць пячатку і расьпісацца каштуе даражэй, чым сама зброя".
(Філістовіч: ) "Сёньня, атрыманьне дазволу -- адна базавая велічыня, рэгістрацыя -- чатыры і перарэгістрацыя -- дзьве".
(Паплаўскі: ) "270 тысяч. Прабачце, зброя ў нас каштуе таньней".
(Філістовіч: ) "У нас ні адна зброя 270 тысяч не каштуе -- ні паляўнічая, ні вайсковая".
(Паплаўскі: ) "Мне асабіста вярнулі 130 тысяч за пісталет ТТ, новенькі, у смазцы".
Міністэрства ўнутраных спраў і КДБ рэгулярна заклікаюць жыхароў краіны добраахвотна здаваць зброю, боепрыпасы ды выбуховыя прыстасаваньні, праводзяць нават адпаведныя месячнікі. Прыкладам, летась за два апошнія месяцы году ў краіне добраахвотна здалі 1250 адзінак рознай зброі, прынамсі -- 300 зь іх незарэгістраванай, амаль 27 тысяч патронаў і 36 выбуховых прыстасаваньняў.
(Грыб: ) "Шмат зброі апынулася на руках пасьля распаду Савецкага Саюзу, пасьля распаду савецкай арміі, калі многія пачалі гандляваць ёю. Асабліва, што тычыцца пісталетаў, аўтаматаў, гранатаў, патронаў... Зразумела, і капальнікі таксама нешта маюць. Яны выкопваюць яе да сёньняшняга дня, прыводзяць у патрэбны стан і прадаюць".
Цікаўлюся, чаму людзі не трымаюць яе легальна:
(Грыб: ) "Шмат зброі незарэгістраванай таму, што каб цяпер мець легальную зброю і яе ўтрымліваць, патрэбна вельмі-вельмі шмат плаціць. Падвяргацца кантролю і плаціць-плаціць грошы".
А колькі канкрэтна, высьвятлялі ў Палаце прадстаўнікоў дэпутат Міхаіл Паплаўскі і намесьнік міністра ўнутраных спраў Віктар Філістовіч:
(Паплаўскі: ) "Як вызначалі кошт рэгістрацыі і перарэгістрацыі зброі? У нас да чаго даходзіць -- паставіць пячатку і расьпісацца каштуе даражэй, чым сама зброя".
(Філістовіч: ) "Сёньня, атрыманьне дазволу -- адна базавая велічыня, рэгістрацыя -- чатыры і перарэгістрацыя -- дзьве".
(Паплаўскі: ) "270 тысяч. Прабачце, зброя ў нас каштуе таньней".
(Філістовіч: ) "У нас ні адна зброя 270 тысяч не каштуе -- ні паляўнічая, ні вайсковая".
(Паплаўскі: ) "Мне асабіста вярнулі 130 тысяч за пісталет ТТ, новенькі, у смазцы".
Міністэрства ўнутраных спраў і КДБ рэгулярна заклікаюць жыхароў краіны добраахвотна здаваць зброю, боепрыпасы ды выбуховыя прыстасаваньні, праводзяць нават адпаведныя месячнікі. Прыкладам, летась за два апошнія месяцы году ў краіне добраахвотна здалі 1250 адзінак рознай зброі, прынамсі -- 300 зь іх незарэгістраванай, амаль 27 тысяч патронаў і 36 выбуховых прыстасаваньняў.