Лінкі ўнівэрсальнага доступу

Лукашэнка сустрэнецца з Пуціным


Паводле агенцтва БелаПАН У працоўным графіку прэзыдэнта Расеі на 9—10 лістапада заплянаваная сустрэча з А. Лукашэнкам. Пра гэта паведамілі ў прэсавай службе У. Пуціна.

У прэсавай службе А. Лукашэнкі пакуль не пацьвярджаюць і не абвяргаюць інфармацыю пра гэтую сустрэчу. “Такая інфармацыя публікуецца, калі гатовыя ўсе дакумэнты, за 2—3 дні да паездкі”,-- паведаміў кіраўнік прэсавай службы А. Лукашэнкі Павал Лёгкі.

Чакаецца, што Пуцін і Лукашэнка абмяркуюць парадак дня паседжаньня Вышэйшага дзяржсавету так званай саюзнай дзяржавы, а таксама праблемы двухбаковых дачыненьняў, у тым ліку цану на расейскі газ для Беларусі на 2004 год.

У лістападзе таксама чакаецца візыт А. Лукашэнкі ў Тэгеран да прэзыдэнта Ірану Махмуда Ахмадзінеджада.
XS
SM
MD
LG