(Андрэй, Пінск:) “Добры дзень. На гэтым тыдні нас скалыхнула трагедыя, якая адбылася з нашымі землякамі ў Расеі. Чацьвёра нашых беларусаў згарэлі жыўцом у вагончыку недзе ў Сібіры. І зноў жа, ці была гэта трагічная выпадковасьць, ці то наўмысны падпал, яшчэ невядома. Але ж зноў паўстала праблема заробкаў нашых грамадзян. Напэўна, яны паехалі туды не ад добрага жыцьця. І калі б на Айчыне маглі зарабіць столькі, колькі ім дастаткова, яны не паехалі б туды. І яшчэ я тут успомніў інфармацыю, што раней чуў з боку Вашага радыё, што нейкія разумнікі ў высокіх міліцэйскіх кабінэтах вырашылі распачаць паляваньне вось на такіх людзей, якія згарэлі ў Расеі. Мне здаецца, што тыя, хто сядзяць у высокіх кабінэтах, ёсьць самыя сапраўдныя ворагі народу. Каб тыя бедныя людзі, што згарэлі, маглі зарабіць столькі, колькі гэтыя разумнікі ў сваіх кабінэтах атрымліваюць, самі ня ведаюць за што, наўрад ці б у нас людзі так гінулі ці станавіліся ахвярамі рабаўнікоў і гэтак далей”.
(Спадар, Гомельская вобл.: ) “Я дзякую супрацоўнікам Радыё Свабода за патрэбную працу для нас і віншую са сьвятам Дзяды”.
(Волін, Гомель: ) “Дэпутат Дзярждумы Мітрафанаў заявіў, што вядуцца закрытыя (чытай сакрэтныя) перамовы паміж Расеяй і Беларусьсю аб Саюзе. І сьвет ахне ад новых прапановаў,якія захаваюць уладу Пуціна і Лукашэнкі. У сувязі з гэтым, хочацца спытаць у спадароў Пуціна і Лукашэнкі: “Што Вам захацелася пагуляць у Сталіна і Гітлера?” Як можна весьці перамовы за сьпіной у народа?! А таксама хачу спытаць у спадара Лукашэнкі: ці ня хопіць гуляць у Саюзы, а лепей заняцца пабудовай добрасуседзкіх адносінаў з усімі краінамі-суседзямі на аснове ўзаемавыгадных дагавораў”.
(Марыя Бартось, в. Квасоўка Гарадзенскага раёну: ) “Добры дзень, Радыё Свабода! Учора мы слухалі па Радыё Свабода выступ Мечаслава Грыба, а таксама хлопчыка Сяргея. Мы вельмі любім і паважаем іх. Але на выбары ў Квасоўскі сельскі савет мы ня пойдзем, калі там ня будзе дэпутата ад апазыцыі. Чаму? Высунулі Кашанкову ў дэпутаты да прэзыдэнта. Прашу ў Кашанковай завезьці пісьмо да прэзыдэнта. “Ну, што Вы, я такой справай не займаюся! У нас лісты да Лукашэнкі ня возяць. Гэтай справай ён не займаецца.” А чым жа ты, Кашанкова, займаешся? Ты ж ад народа абраная. Хто цябе там выбіраў? На выбары мясцовыя не зьбіраемся ісьці. Будзе ад апазыцыі чалавек, заяўляю: пойдзем. А калі не, дык не. Хопіць іх карміць за нашыя мазалі!”
(Спадар: ) “Паважаная рэдакцыя “Свабоды”! Вядома ўсім на сьвеце, нават школьнікам вядома, што хрысьціянская вера падзяляецца на некалькі самых розных канфэсій. Найбуйнейшыя зь іх: каталіцкая, праваслаўная, пратэстанцкая. У той жа час Вашая рэдакцыя дае слова нейкаму культуролягу, нейкай Хатэнцы, якая гаворыць пра розьніцу паміж каталіцкай і праваслаўнай верай. Нонсэнс і сорам “Свабодзе” за такі ўзровень. Вельмі шкада, што цудоўны чалавек і паэт запрашае такіх людзей на перадачу. Вельмі-вельмі шкада. Узровень Ваш падае, “Свабода,” падае, падае. Ад гэтага толькі сумна”.
(Спадар, Гомель: ) “Добры дзень. Хачу адказаць таму дзядку, што казаў, што яму не патрэбна свабода, якая ідзе з Захаду. Мусіць, яму патрэбна свабода, якая ідзе з Усходу. Свабода ад уласных думак, свабода ад сваёй працы, свабода ўвогуле ад усяго чалавечага. Яму патрэбна такая свабода,к аб людзі езьдзілі і далей на Маскву, каб адтуль прыходзілі ў трунах ды калекамі, дзе кожны міліцыянт зьдзекуецца з таго чалавека, які прыехаў туды працаваць? Там чалавек працоўны ўвогуле без правоў. І мусіць, яму такая патрэбна свабода. Я памятаю, што ў нас да прыходу расейцаў увогуле не было такога рабства, якое стала. 200-250 гадоў таму было мясцовае самакіраваньне. Прыйшоў расеец, усё скасаваў. І, мусіць, яму такая патрэбна свабода, якая цяпер. Сказаў, што калі што ня так супраць Аляксандра Рыгоравіча, то ў турму, а на самога могуць казаць што хочаш. Самае большае, што можа атрымаць чалавек, які зганьбіў іншага, дык гэта штраф у некалькі базавых. А калі Бога, якім стаў Аляксандр Рыгоравіч (“ён крыху вышэй Бога”, як сказаў яго нейкі чалавек), дык за гэта даюць 2 гады і больш. Дзякуй вялікі”.
(Спадар:) “Першабытны лукашыст Пячорнага веку тэлефануе на “Свабоду” і абураецца, што Мілінкевічу далі прэмію імя Сахарава. Разумнаму чалавеку паўсюль і заўжды шлях адчынены, і яму даюць прэмію. Гэтая прэмію пойдзе на дэмакратыю і на свабоду ў Беларусі. А такіх дурняў, як Лукашэнка нідзе на парог ня пусьцяць і ніхто яму нідзе прэмію ня дасьць, можа толькі Фідэль Кастра цукру трысьняговага крыху дасьць. А нашыя заводы савецкія з адсталай тэхналёгіяй на Захадзе нікому не патрэбныя. Наадварот, да нас паступае сучасная тэхналёгія, на нашыя заводы. Куды ні глянь, паўсюль камбайны нямецкія, аўтобусы нямецкія і астатняя прадукцыя. А моладзь нашая і пры Саюзе езьдзіла і на Цаліну, і на Ўрал, і зараз будзе бегаць на Захад. Моладзь, як рыба, ідзе на сьвежую ваду. Вось так, лукашыст. І больш ты не пагражай нашай Беларусі”.
(Спадарыня, Магілёў:) “Слухала адказы простых жыхароў горада Менску журналістам на пытаньне тыдня. З 10 апытаных толькі 2 давяраюць. У працэнтных адносінах: 80 не давяраюць, а 20 давяраюць. Вось рэальны вынік мясцовых выбараў. А ў Лукашэнкі з Ярмошынай будуць свае вынікі, то бок чальцы выбарчых камісіяў працуюць на рэжым Лукашэнкі. Калі 80 % тых, хто не давярае, вырашылі б байкатаваць выбары, гэта было б вельмі няблага. У такім выпадку, выбаркамы не змаглі б рэалізаваць звычайныя для іх ілжывыя вынікі. Скрыні для галасаваньня павінны быць новымі, празрыстымі. Назіраць за выбарамі могуць журналісты, прадстаўнікі ўсіх рухаў і партый. Толькі ў гэтым выпадку можна казаць пра нейкі давер. Калі ж усё гэтае адсутнічае, то выбары несапраўдныя, а вынікі фальшывыя”.
(Спадар: ) “Не магу не адрэагаваць на злую агрэсію радыёслухача, які патэлефанаваў на “Свабоду”. Гэты радыёслухач ня ведае, за што Мілінкевіч атрымаў прэмію імя Сахарава. Мусіць, ён і ўяўленьне ня мае, хто такі Сахараў. Ён публічна заявіў, што ніводзін чалавек з апазыцыі на выбарах ня пройдзе. Чаго можна чакаць, калі гэты чалавек будзе ў складзе выбаркам ці яго старшынёй? Як можна давяраць выбаркамам, калі ў іх складзе апынуцца такія людзі? У складзе мясцовых выбарчых камісій павінны знаходзіцца абсалютна нэўтральныя грамадзяне”.
(Спадар:) “Прызнацца, зь нейкай асьцярогай успрымаю першыя аплядысмэнты з нагоды, безумоўна, радаснай і рэдкаснай навіны пра прысваеньне парлямэнцкай прэміі імя Сахарава Аляксандру Мілінкевічу. Нельга адназначна сказаць, чым станецца гэтая ганаровая адзнака для лёса самога спадара Мілінкевіча: своечасовым выратавальным колам у лужы апазыцыі або якарам. Затое зусім ня цяжка прадбачыць, які вэрхал узьніме хеўра штатных гарністаў і барабаншчыкаў, палюючых цяпер на дзяржаўных тэлеканалах і друкаваных выданьняў накшталт часопісу “Плянэта”. Тут зробяць усё магчымае і немагчымае, спрабуючы паставіць крыж на палітычнай кар’еры каталіка і заходніка Мілінкевіча. Зразумела, найбольш заўзяты хай з боку паслугачоў рэжыму выкліча той факт, што рашаючую ролю ў падтрымцы кандыдатуры Мілінкевіча адыгралі, як вядома, менавіта польскія прадстаўнікі Эўрапарлямэнту. Упэўнены, трубадуру і ахоўніку пануючай дыктатуры ня толькі не супакоіць, а больш узбудзіць і раззлуе ўзважанасьць рашэньня ляўрэата Мілінкевіча аддаць прэмію на патрэбы беззаконна і бязьлітасна рэпрэсаваных ахвяраў сёньняшняга рэжыму. Мне, вядома, вельмі хацелася б памыліцца, але, на жаль, усё сьведчыць аб тым, што ўзнагарода спадара Мілінкевіча ня вельмі спрацуе на рост рэйтынгу лідэра дэмакратычнай апазыцыі. Напрыклад, падчас яго працоўных паездак, асабліва па ўсходзе Беларусі”.
(Спадар, Гомельская вобл.: ) “Я дзякую супрацоўнікам Радыё Свабода за патрэбную працу для нас і віншую са сьвятам Дзяды”.
(Волін, Гомель: ) “Дэпутат Дзярждумы Мітрафанаў заявіў, што вядуцца закрытыя (чытай сакрэтныя) перамовы паміж Расеяй і Беларусьсю аб Саюзе. І сьвет ахне ад новых прапановаў,якія захаваюць уладу Пуціна і Лукашэнкі. У сувязі з гэтым, хочацца спытаць у спадароў Пуціна і Лукашэнкі: “Што Вам захацелася пагуляць у Сталіна і Гітлера?” Як можна весьці перамовы за сьпіной у народа?! А таксама хачу спытаць у спадара Лукашэнкі: ці ня хопіць гуляць у Саюзы, а лепей заняцца пабудовай добрасуседзкіх адносінаў з усімі краінамі-суседзямі на аснове ўзаемавыгадных дагавораў”.
(Марыя Бартось, в. Квасоўка Гарадзенскага раёну: ) “Добры дзень, Радыё Свабода! Учора мы слухалі па Радыё Свабода выступ Мечаслава Грыба, а таксама хлопчыка Сяргея. Мы вельмі любім і паважаем іх. Але на выбары ў Квасоўскі сельскі савет мы ня пойдзем, калі там ня будзе дэпутата ад апазыцыі. Чаму? Высунулі Кашанкову ў дэпутаты да прэзыдэнта. Прашу ў Кашанковай завезьці пісьмо да прэзыдэнта. “Ну, што Вы, я такой справай не займаюся! У нас лісты да Лукашэнкі ня возяць. Гэтай справай ён не займаецца.” А чым жа ты, Кашанкова, займаешся? Ты ж ад народа абраная. Хто цябе там выбіраў? На выбары мясцовыя не зьбіраемся ісьці. Будзе ад апазыцыі чалавек, заяўляю: пойдзем. А калі не, дык не. Хопіць іх карміць за нашыя мазалі!”
(Спадар: ) “Паважаная рэдакцыя “Свабоды”! Вядома ўсім на сьвеце, нават школьнікам вядома, што хрысьціянская вера падзяляецца на некалькі самых розных канфэсій. Найбуйнейшыя зь іх: каталіцкая, праваслаўная, пратэстанцкая. У той жа час Вашая рэдакцыя дае слова нейкаму культуролягу, нейкай Хатэнцы, якая гаворыць пра розьніцу паміж каталіцкай і праваслаўнай верай. Нонсэнс і сорам “Свабодзе” за такі ўзровень. Вельмі шкада, што цудоўны чалавек і паэт запрашае такіх людзей на перадачу. Вельмі-вельмі шкада. Узровень Ваш падае, “Свабода,” падае, падае. Ад гэтага толькі сумна”.
(Спадар, Гомель: ) “Добры дзень. Хачу адказаць таму дзядку, што казаў, што яму не патрэбна свабода, якая ідзе з Захаду. Мусіць, яму патрэбна свабода, якая ідзе з Усходу. Свабода ад уласных думак, свабода ад сваёй працы, свабода ўвогуле ад усяго чалавечага. Яму патрэбна такая свабода,к аб людзі езьдзілі і далей на Маскву, каб адтуль прыходзілі ў трунах ды калекамі, дзе кожны міліцыянт зьдзекуецца з таго чалавека, які прыехаў туды працаваць? Там чалавек працоўны ўвогуле без правоў. І мусіць, яму такая патрэбна свабода. Я памятаю, што ў нас да прыходу расейцаў увогуле не было такога рабства, якое стала. 200-250 гадоў таму было мясцовае самакіраваньне. Прыйшоў расеец, усё скасаваў. І, мусіць, яму такая патрэбна свабода, якая цяпер. Сказаў, што калі што ня так супраць Аляксандра Рыгоравіча, то ў турму, а на самога могуць казаць што хочаш. Самае большае, што можа атрымаць чалавек, які зганьбіў іншага, дык гэта штраф у некалькі базавых. А калі Бога, якім стаў Аляксандр Рыгоравіч (“ён крыху вышэй Бога”, як сказаў яго нейкі чалавек), дык за гэта даюць 2 гады і больш. Дзякуй вялікі”.
(Спадар:) “Першабытны лукашыст Пячорнага веку тэлефануе на “Свабоду” і абураецца, што Мілінкевічу далі прэмію імя Сахарава. Разумнаму чалавеку паўсюль і заўжды шлях адчынены, і яму даюць прэмію. Гэтая прэмію пойдзе на дэмакратыю і на свабоду ў Беларусі. А такіх дурняў, як Лукашэнка нідзе на парог ня пусьцяць і ніхто яму нідзе прэмію ня дасьць, можа толькі Фідэль Кастра цукру трысьняговага крыху дасьць. А нашыя заводы савецкія з адсталай тэхналёгіяй на Захадзе нікому не патрэбныя. Наадварот, да нас паступае сучасная тэхналёгія, на нашыя заводы. Куды ні глянь, паўсюль камбайны нямецкія, аўтобусы нямецкія і астатняя прадукцыя. А моладзь нашая і пры Саюзе езьдзіла і на Цаліну, і на Ўрал, і зараз будзе бегаць на Захад. Моладзь, як рыба, ідзе на сьвежую ваду. Вось так, лукашыст. І больш ты не пагражай нашай Беларусі”.
(Спадарыня, Магілёў:) “Слухала адказы простых жыхароў горада Менску журналістам на пытаньне тыдня. З 10 апытаных толькі 2 давяраюць. У працэнтных адносінах: 80 не давяраюць, а 20 давяраюць. Вось рэальны вынік мясцовых выбараў. А ў Лукашэнкі з Ярмошынай будуць свае вынікі, то бок чальцы выбарчых камісіяў працуюць на рэжым Лукашэнкі. Калі 80 % тых, хто не давярае, вырашылі б байкатаваць выбары, гэта было б вельмі няблага. У такім выпадку, выбаркамы не змаглі б рэалізаваць звычайныя для іх ілжывыя вынікі. Скрыні для галасаваньня павінны быць новымі, празрыстымі. Назіраць за выбарамі могуць журналісты, прадстаўнікі ўсіх рухаў і партый. Толькі ў гэтым выпадку можна казаць пра нейкі давер. Калі ж усё гэтае адсутнічае, то выбары несапраўдныя, а вынікі фальшывыя”.
(Спадар: ) “Не магу не адрэагаваць на злую агрэсію радыёслухача, які патэлефанаваў на “Свабоду”. Гэты радыёслухач ня ведае, за што Мілінкевіч атрымаў прэмію імя Сахарава. Мусіць, ён і ўяўленьне ня мае, хто такі Сахараў. Ён публічна заявіў, што ніводзін чалавек з апазыцыі на выбарах ня пройдзе. Чаго можна чакаць, калі гэты чалавек будзе ў складзе выбаркам ці яго старшынёй? Як можна давяраць выбаркамам, калі ў іх складзе апынуцца такія людзі? У складзе мясцовых выбарчых камісій павінны знаходзіцца абсалютна нэўтральныя грамадзяне”.
(Спадар:) “Прызнацца, зь нейкай асьцярогай успрымаю першыя аплядысмэнты з нагоды, безумоўна, радаснай і рэдкаснай навіны пра прысваеньне парлямэнцкай прэміі імя Сахарава Аляксандру Мілінкевічу. Нельга адназначна сказаць, чым станецца гэтая ганаровая адзнака для лёса самога спадара Мілінкевіча: своечасовым выратавальным колам у лужы апазыцыі або якарам. Затое зусім ня цяжка прадбачыць, які вэрхал узьніме хеўра штатных гарністаў і барабаншчыкаў, палюючых цяпер на дзяржаўных тэлеканалах і друкаваных выданьняў накшталт часопісу “Плянэта”. Тут зробяць усё магчымае і немагчымае, спрабуючы паставіць крыж на палітычнай кар’еры каталіка і заходніка Мілінкевіча. Зразумела, найбольш заўзяты хай з боку паслугачоў рэжыму выкліча той факт, што рашаючую ролю ў падтрымцы кандыдатуры Мілінкевіча адыгралі, як вядома, менавіта польскія прадстаўнікі Эўрапарлямэнту. Упэўнены, трубадуру і ахоўніку пануючай дыктатуры ня толькі не супакоіць, а больш узбудзіць і раззлуе ўзважанасьць рашэньня ляўрэата Мілінкевіча аддаць прэмію на патрэбы беззаконна і бязьлітасна рэпрэсаваных ахвяраў сёньняшняга рэжыму. Мне, вядома, вельмі хацелася б памыліцца, але, на жаль, усё сьведчыць аб тым, што ўзнагарода спадара Мілінкевіча ня вельмі спрацуе на рост рэйтынгу лідэра дэмакратычнай апазыцыі. Напрыклад, падчас яго працоўных паездак, асабліва па ўсходзе Беларусі”.