Лінкі ўнівэрсальнага доступу

Мітынг у Курапатах скончыўся ўсталяваньнем крыжоў


Радыё Свабода КХП-БНФ заклікала байкаватаваць выбары ў мясцовыя саветы. Прадстаўнікі незарэгістраванай арганізацыі "Малады фронт" прапанавалі прыйсьці заўтра да будынку суду Кастрычніцкага раёну Менску і падтрымаць Зьмітра Дашкевіча. Зянон Пазьняк у сваім лісьце заклікаў "паклясьціся перад продкамі на вернасьць Айчыне".

Мітынг пачаўся ля Крыжа пакутнікам Беларусі. Некалькі сотняў прысутных прасьпявалі гімн "Магутны Божа".

Удзельнікі акцыі падняліся на ўзгорак, які ў народзе называюць Беларускай галгофай. Перад прысутнымі выступілі кіраўнікі Кансэрватыўна-хрысьціянскай парты БНФ Сяргей Папкоў, Юрась Беленькі і Алесь Чахольскі.

Валеры Буйвал заклікаў да байкоту выбараў у мясцовыя саветы і да супраціву магчымаму рэфэрэндуму ў пытаньні канстытуцыйнага акту саюзнай дзяржавы.

У зачытаным лісьце Зянона Пазьняка гаворыцца, што "Дзяды – гэта сьвята вечнасьці". З.Пазьняк заклікаў на Дзяды паклясьціся перад продкамі на вернасьць Айчыне.

Прадстаўнікі незарэгістраванай арганізацыі "Малады фронт" заклікалі падтрымаць лідэра "МФ" Зьмітра Дашкевіча. У панядзелак суд Кастрычніцкага раёну Менску пачне разгляд крымінальнай справы супраць З.Дашкевіча.

Мітынг скончыўся малітвай сьвятара незарэгістраванай Беларускай праваслаўнай аўтакефальнай царквы Леаніда Акаловіча.

Удзельнікі акцыі ўсталявалі 12 крыжоў.
XS
SM
MD
LG