Лінкі ўнівэрсальнага доступу

logo-print

“Эўрапарлямэнт даслаў беларусам сыгнал падтрымкі”


Радыё Свабода Рашэньне Эўрапарлямэнту, які сёньня абвясьціў былога кандыдата на прэзыдэнта Беларусі Аляксандра Мілінкевіча ляўрэатам прэміі імя Андрэя Сахарава за 2006 год, камэнтуюць палітыкі і грамадзкія дзеячы

Дэпутат Эўрапарлямэнту Богдан Кліх з Польшчы падкрэсьлівае, што рашэньне аб ганараваньні беларускага палітыка прыняў парлямэнт, які прадстаўляе 455 мільёнаў грамадзянаў аб’яднанай Эўропы:

(Кліх: ) “Гэты парлямэнт дасылае беларусам сыгнал падтрымкі й дэкляруе на будучыню падтрымку дэмакратычнай апазыцыі Беларусі”.

Вядомы беларускі паэт Сяргей Законьнікаў вітае ганараваньне Аляксандра Мілінкевіча:

(Законьнікаў: ) “Падтрымліваючы Мілінкевіча, падтрымліваючы тую палітыку, якую праводзяць дэмакратычныя сілы, што згуртаваліся вакол яго, мы робім важную справу. І тое, што Мілінкевіч надае вялікую ўвагу нашай культуры, духоўнасьці, тое, што многія нашы людзі, адчуваючы ягоную павагу да беларускага слова, да літаратуры, да мастацтва. да ўсяго, што вельмі важна ў нашым агульным людзкім жыцьці, цягнуцца да яго, ідзе на вялікую карысьць нашай агульнай справе — дэмакратызацыі беларускага грамадзтва”.
XS
SM
MD
LG