Лінкі ўнівэрсальнага доступу

А.Мілінкевіч: "Андрэй Сахараў спрабаваў зрабіць палітыку маральнай".


Уладзімер Глод, Менск Прэмія, якой сёньня Эўрапарлямэнт узнагародзіў былога кандыдата на прэзыдэнта Беларусі Аляксандра Мілінкевіча, носіць імя Андрэя Сахарава — знакамітага савецкага праваабронцы і навукоўца-ядзершчыка.

З гэтай нагоды Аляксандар Мілінкевіч сказаў Радыё Свабода, што імя Андрэя Сахарава ён упершыню пачуў тады, калі знакаміты навуковец яшчэ не займаўся правабарончай дзейнасьцю. "Ён — фізык, і я — фізык. І я ведаў ягоныя працы, ведаў яго як выдатнейшага навукоўца"— заўважыў А.Мілінкевіч.

Калі ж Сахараў стаў народным дэпутатам, згадвае ляўрэат ягонай прэміі, уся краіна слухала яго: "І гэта быў голас праўды, голас маралі".

А. Мілінкевіч адзначыў, што ён асабліва паважаў Андрэя Сахарава за тое, што той "спрабаваў зрабіць палітыку маральнай".
XS
SM
MD
LG