Лінкі ўнівэрсальнага доступу

Сяргей Касьцян: Беларусь мае права на ядравую зброю


Валер Каліноўскі, Менск Дэпутат Палаты прадстаўнікоў, намесьнік кіраўніка міжнароднай камісіі Палаты прадстаўнікоў сёньня ў наўпроставым эфіры першага каналу Беларускага радыё заявіў, што ва ўмовах энэргетычнага ціску Беларусі трэба хутчэй будаваць атамную электрастанцыю.

(Сяргей Касьцян: ) “А калі на Беларусь будуць працягваць міжнародны ціск, то нам нічога не застанецца, як, падобна Ірану, распрацоўваць сваю ядзерную зброю”.

Сяргей Касьцян выступіў супраць ціску Захаду – так званага ўсясьветнага ўраду, які ўмешваецца ва ўнутраныя справы нацыянальных дзяржаваў:

(Касьцян: ) “Народы маюць права на супраціў любым шляхам, прытым і на прымяненьне ядзернай зброі, калі гэта будзе неабходна для адстойваньня сваіх нацыянальных інтарэсаў”.

Беларусь паводле міжнародных дамоваў стала бязьядзернай дзяржавай у 1996 годзе. У 1998 годзе тагачасны памочнік прэзыдэнта Сяргей Посахаў заклікаў вярнуць ядзерную зброю ў Рэспубліку Беларусь. Аляксандар Лукашэнка неаднаразова выказваў думку, што калі б Беларусь захавала ядравую зброю, то ў сьвеце зь ёю лічыліся б.
XS
SM
MD
LG