Амбасадарка ЗША была прынятая сярод кіраўнікоў дыпмісіяў іншых краінаў. Спачатку Аляксандар Лукашэнка прыняў амбасадараў Банглядэш, Ганы, Малі, Мальты, Манголіі й Панамы. ЗША ў гэтым сьпісе былі пастаўленыя на апошняе месца. За выключэньнем Карэн Ст’юарт, астатнія дыпляматы будуць працаваць у Расеі й Беларусі па сумяшчальніцтве і стала знаходзіцца ў Маскве.
Паводле кіраўніка прэсавай службы прэзыдэнта Паўла Лёгкага, лісты прымаліся адпаведна з альфабэтным парадкам краінаў.
(Лёгкі: ) “Прэзыдэнт, няхай і коратка, але пагутарыў з паслом ЗША. Там не было ніякага несяброўскага стаўленьня, усё было дастаткова карэктна, дыпляматычна, бязь нейкіх рэчаў, якія можна было б назваць нейкімі канфрантацыйнымі”.
Адзін зь беларускіх дыпляматаў сказаў, што звычайна даверчыя лісты ўручаюцца ў парадку падачы дакумэнтаў.
Аляксандар Лукашэнка заявіў:
(Лукашэнка: ) “Беларусь — адкрытая краіна, праводзіць шматвэктарную, пасьлядоўную і ўзважаную замежную палітыку, не прэтэндуючы на лідэрскую ролю. І ў гэтым сэнсе для Беларусі няма другарадных партнэраў”.
Аднак яшчэ ніколі дагэтуль ЗША не траплялі ў такую доўгую чаргу. Да прыкладу, у 2001 годзе кіраўнік Беларусі прымаў лісты амбасадараў ЗША й Іраку. Пасланца Садама Хусэйна Аляксандар Лукашэнка прыняў тады першым, а тагачаснага амбасадара ЗША Майкла Козака — другім. Прычым, амаль паўгоду кіраўнік Беларусі не знаходзіў часу, каб прыняць даверчыя лісты ў амбасадара Козака. У 2003 годзе новы амбасадар ЗША Джордж Крол уручаў даверчыя лісты разам з амбасадарам Украіны.
Палітычны аглядальнік Раман Якаўлеўскі адзначыў, што цяпер амбасадарцы ЗША не давялося доўга чакаць. Яна прыехала ў Менск 18 верасьня. Але яе паставілі ў шэраг з пасламі невялікіх краінаў, якія ня маюць у Менску сталых прадстаўніцтваў:
(Якаўлеўскі: ) “Гэта сьвядомае прыніжэньне Вашынгтону, маўляў, для Лукашэнкі ўсе роўныя — што малыя краіны, што супэрдзяржава, як ён называе ЗША. Я мяркую, гэта адзнака таго, што ня будзе пацяпленьня дачыненьняў паміж Менскам і Вашынгтонам”.
Кіраўнік Беларусі заявіў, што розныя погляды на шэраг праблемаў не павінны перашкаджаць Менску й Вашынгтону прыкладаць сумесныя намаганьні там, дзе падыходы супадаюць. У сваю чаргу, амбасадарка ЗША заявіла журналістам пра намер судзейнічаць дэмакратычным працэсам у Беларусі. Паводле спадарыні Ст’юарт, ЗША ўжо даўно працягваюць руку сяброўства беларускаму народу.
Карэн Ст’юарт — шосты амбасадар ЗША ў Рэспубліцы Беларусь. На дыпляматычную працу ў Менск яна прыбыла другі раз — раней яна ўжо працавала тут намесьніцай амбасадара Майкла Козака. Таксама яна была дырэктаркай аддзелу Дзярждэпартамэнту ЗША ў справах Беларусі, Малдовы і Ўкраіны. Дагэтуль у Менску амбасадарамі працавалі Дэвід Сўорц, Кенэт Ялавіц, Дэніэл Спэкгард, Майкл Козак і Джордж Крол.
Паводле кіраўніка прэсавай службы прэзыдэнта Паўла Лёгкага, лісты прымаліся адпаведна з альфабэтным парадкам краінаў.
(Лёгкі: ) “Прэзыдэнт, няхай і коратка, але пагутарыў з паслом ЗША. Там не было ніякага несяброўскага стаўленьня, усё было дастаткова карэктна, дыпляматычна, бязь нейкіх рэчаў, якія можна было б назваць нейкімі канфрантацыйнымі”.
Адзін зь беларускіх дыпляматаў сказаў, што звычайна даверчыя лісты ўручаюцца ў парадку падачы дакумэнтаў.
Аляксандар Лукашэнка заявіў:
(Лукашэнка: ) “Беларусь — адкрытая краіна, праводзіць шматвэктарную, пасьлядоўную і ўзважаную замежную палітыку, не прэтэндуючы на лідэрскую ролю. І ў гэтым сэнсе для Беларусі няма другарадных партнэраў”.
Аднак яшчэ ніколі дагэтуль ЗША не траплялі ў такую доўгую чаргу. Да прыкладу, у 2001 годзе кіраўнік Беларусі прымаў лісты амбасадараў ЗША й Іраку. Пасланца Садама Хусэйна Аляксандар Лукашэнка прыняў тады першым, а тагачаснага амбасадара ЗША Майкла Козака — другім. Прычым, амаль паўгоду кіраўнік Беларусі не знаходзіў часу, каб прыняць даверчыя лісты ў амбасадара Козака. У 2003 годзе новы амбасадар ЗША Джордж Крол уручаў даверчыя лісты разам з амбасадарам Украіны.
Палітычны аглядальнік Раман Якаўлеўскі адзначыў, што цяпер амбасадарцы ЗША не давялося доўга чакаць. Яна прыехала ў Менск 18 верасьня. Але яе паставілі ў шэраг з пасламі невялікіх краінаў, якія ня маюць у Менску сталых прадстаўніцтваў:
(Якаўлеўскі: ) “Гэта сьвядомае прыніжэньне Вашынгтону, маўляў, для Лукашэнкі ўсе роўныя — што малыя краіны, што супэрдзяржава, як ён называе ЗША. Я мяркую, гэта адзнака таго, што ня будзе пацяпленьня дачыненьняў паміж Менскам і Вашынгтонам”.
Кіраўнік Беларусі заявіў, што розныя погляды на шэраг праблемаў не павінны перашкаджаць Менску й Вашынгтону прыкладаць сумесныя намаганьні там, дзе падыходы супадаюць. У сваю чаргу, амбасадарка ЗША заявіла журналістам пра намер судзейнічаць дэмакратычным працэсам у Беларусі. Паводле спадарыні Ст’юарт, ЗША ўжо даўно працягваюць руку сяброўства беларускаму народу.
Карэн Ст’юарт — шосты амбасадар ЗША ў Рэспубліцы Беларусь. На дыпляматычную працу ў Менск яна прыбыла другі раз — раней яна ўжо працавала тут намесьніцай амбасадара Майкла Козака. Таксама яна была дырэктаркай аддзелу Дзярждэпартамэнту ЗША ў справах Беларусі, Малдовы і Ўкраіны. Дагэтуль у Менску амбасадарамі працавалі Дэвід Сўорц, Кенэт Ялавіц, Дэніэл Спэкгард, Майкл Козак і Джордж Крол.
