Лінкі ўнівэрсальнага доступу

Амбасадарка Латвіі вяртаецца ў Беларусь(абноўлены)


Радыё Свабода Паводле прэсавага цэнтру МЗС Латвіі, амбасадарка гэтай краіны ў Беларусі Майра Мора можа вярнуцца ў Менск 23 кастрычніка. У МЗС Латвіі цьвердзяць, што Беларускі амбасадар у Рызе Аляксандар Герасіменка “прызнаў факт парушэньня беларускімі ўладамі Вэнскай канвэнцыі, калі тыя правялі ператрус у кватэры латвійскага дыплямата”.

Инфармацыйнае агенцтва BNS са спасылкай на прэсавы цэнтар МЗС Латвіі перадае, што А.Герасіменка пацьвердзіў той факт, што праваахоўчыя ворганы Беларусі спынілі крымінальную справу ў дачыненьні да супрацоўніка латвійскай амбасады ў Менску Шміца.

Прэсавы сакратар МЗС Беларусі Андрэй Папоў у сувязі з гэтай інфармацыяй зазначыў, што зьмест перамоваў амбасадара Герасіменкі і міністра Артыса Пабрыкса з’яўляецца канфідэнцыйным:

(Папоў: ) “Але ж абсалютна афіцыйна магу дадаць, што прынамсі асноўныя акцэнты гэтай гутаркі насілі абсалютна супрацьлеглы характар, чым тое, як камэнтуюць гэта нейкія СМІ. Гутарка прайшла ў добразычлівай атмасфэры”.

Крымінальная справа супраць Шміца была ўзбуджаная пасьля таго, які беларуская міліцыя ў часе ператрусу знайшла ў ягонай кватэры парнаграфічныя матэрыялы.

Сам факт ператрусу Латвія назвала грубым парушэньнем Вэскай канвэцыі і адклікала зь Менску амбасадарку Майру Мору.
XS
SM
MD
LG