Лінкі ўнівэрсальнага доступу

У спрэчцы ПКБ-Мінюст Вярхоўны Суд стаў на бок міністэрства


Уладзімер Глод, Менск Сёньня Вярхоўны Судзе Беларусі вынес вэрдыкт адносна скаргі Партыі камуністаў Беларускай на дзеяньні Міністэрства юстыцыі.

Суд не знайшоў падстаў, каб задаволіць скаргу. Судовае рашэньне ўступіла ў сілу з моманту яго абвешчаньня і абскарджаньню не падлягае.

25 жніўня Мінюст вынес пісьмовае папярэджаньне ПКБ за адмову кіраўніцтва арганізацыі перадаць у Міністэрства юстыцыі поўны сьпіс сябраў партыі з пашыранымі зьвесткамі пра кожнага чальца.

Паводле беларускага заканадаўства, пасьля другога пісьмовага папярэджаньня цягам году дзейнасьць палітычнай партыі можа быць спыненая.

Пакуль Партыя камуністаў Беларуская мае адно папярэджаньне.
XS
SM
MD
LG