Лінкі ўнівэрсальнага доступу

logo-print

Vox Populi: “Калі чалавек разумее ўсіх і ўсіх падтрымлівае – гэта лідэр…”


Радыё Свабода Якімі якасьцямі павінен валодаць малады чалавек, каб ён быў для вас лідэрам і каб вы пайшлі за ім?

(Хлопец: ) “Па-першае, інтэлектам. Павінен быць чалавек з прывабнай зьнешнасьці. І ён павінен прадстаўляць твае інтарэсы.”

(Дзяўчына: ) “Ён павінен быць актыўным чалавекам. Заўсёды актыўна сабе паводзіць, выклікаць давер. І павінен быць фізычна здаровым. Бо даверыцца можна не толькі розуму, но і фізычнай моцы мужчыны. У яго павінна быць добрае пачуцьцё гумару і шмат ідэй!”

(Хлопец: ) “Мэтанакіраванасьць. Цьвёрды характар!”

(Хлопец: ) “Ён павінны быць вельмі ініцыятыўным, таварыскім вельмі. Ён заўсёды павінны быць першым ва ўсіх справах, яркім!”

(Дзяўчына: ) “Павінны адрозьнівацца ад іншых, быць незвычайным. Зьнешнасьць не прынцыпова тут…”

(Хлопец: ) “Быць адказным… Каб мне спадабацца? Павінны быць разумным, адукаваным, з пачуцьцём гумару. Павінны глядзець за сабой, заўсёды добра выглядаць!”

(Дзяўчына: ) “Лідэр, ён як бы прыцягвае людзей, да яго цягнуцца, каб пагутарыць з ім. Гэта прывабны чалавек…”

(Дзяўчына: ) “Разумным, асьцярожным быць павінны ў некаторай ступені...”

(Дзяўчына: ) “Аптымістам па жыцьці…Усіх заўсёды радаваць. Сябрам быць!”

(Хлопец: ) “Калі чалавек разумее ўсіх і ўсіх падтрымлівае – гэта лідэр…”

(Дзяўчына: ) “Харызма – галоўнае. Прыгожым павінен быць. Адзёжа ахайная на ім, чыстая. Стыльны…”
XS
SM
MD
LG