Vox Populi: ці маеце вы магчымасьць есьці тое, што хочаце?

(Спадарыня: ) “Цалкам. Хаця і бываюць складанасьці, бо я вэгетарыянка і зімой такое харчаваньне даражэйшае за мяса”.

(Спадарыня: ) “У мяне такая магчымасьць ёсьць”.

(Спадар: ) “Асабіста ў мяне такая магчымасьць ёсьць. Я атрымліваю даволі добры заробак і магу абраць месца, дзе хачу паесьці, і пайсьці туды”.

(Спадарыня: ) “Пэўна ж, што ня маю. Элемэнтарна няма грошай”.

(Спадар: ) “У мяне магчымасьці няма. Быццам і працую столькі, колькі магу, а грошай няма”.

(Спадарыня: ) “Я б сказала, што на гэта не хапае сродкаў. Не заўсёды атрымліваецца набываць тое, што хацела б”.

(Спадар: ) “Не заўсёды. Грошай не хапае”.

(Карэспандэнт: ) “Ці ёсьць у вас магчымасьць харчавацца так, як вы хочаце?”

(Спадар: ) “Няма, на жаль, бо малы заробак”.

(Пэнсіянэрка: ) “Мы неяк усім задаволеныя. Усё ў нас ёсьць. Пэнсію прыстойную атрымліваем, нават вельмі. Усе прадукты ў краме ёсьць. І лічу, што вельмі нядрэнныя. Я ў Маскву ежджу, там прадукты значна горшыя. Мы магчымасьць маем”.

(Хлопец: ) “Сёньня ў крамах можна купіць усё што хочаш. Вялікі выбар прадуктаў і беларускіх вытворцаў, і расейскіх, і іншых. Маіх сродкаў хапае”.

(Спадар: ) “Я магу, бо зарплата высокая. Але й цэны высокія”.

(Спадар: ) “У залежнасьці ад таго, якімі фінансавымі магчымасьцямі валодае чалавек. Я адзін, і мне хапае ў межах разумнага. Мне хапае”.