Разам зь Янушам Крупскім прыехалі два сэнатары — Уладыслаў Карфанты, прадстаўнік партыі “Закон і справядлівасьць”, і Анджэй Пэрсан з “Грамадзянскай плятформы”. Былі таксама прадстаўнікі міністэрства замежных справаў Польшчы і польскіх вэтэранскіх арганізацыяў.
Госьці наведалі мястэчка Сапоцкін у Гарадзенскім раёне, дзе ўсклалі вянкі і запалілі зьнічы на магіле генэрала Альшчыны-Вільчынскага, што быў расстраляны ў верасьні 1939 году чырвонаармейцамі. Затым кветкі былі ўскладзены каля вёскі Навумавічы на месцы масавых расстрэлаў цывільнага насельніцтва фашыстамі ў 1942-43 гадах.
У Горадні госьці з Польшчы накіраваліся на вайсковыя могілкі, каб наведаць Катынскі крыж. Паводле актывіста Саюзу палякаў Андрэя Пачобута, там ужо знаходзіліся людзі ў цывільным, міліцыянты, вялася апэратыўная відэаздымка. Пасьля гэтага Януш Крупскі і асобы, што прыбылі зь ім, у Генэральным консульстве РП сустрэліся з вэтэранамі Арміі Краёвай і Войска Польскага. На сустрэчу прыехала каля сямідзесяці чалавек — зь Ліды, Воранава, Шчучына ды іншых мясьцінаў Гарадзеншчыны, а таксама зь Берасьця.
На здымку: Катынскі крыж на вайсковых могілках у Горадні.
Госьці наведалі мястэчка Сапоцкін у Гарадзенскім раёне, дзе ўсклалі вянкі і запалілі зьнічы на магіле генэрала Альшчыны-Вільчынскага, што быў расстраляны ў верасьні 1939 году чырвонаармейцамі. Затым кветкі былі ўскладзены каля вёскі Навумавічы на месцы масавых расстрэлаў цывільнага насельніцтва фашыстамі ў 1942-43 гадах.
У Горадні госьці з Польшчы накіраваліся на вайсковыя могілкі, каб наведаць Катынскі крыж. Паводле актывіста Саюзу палякаў Андрэя Пачобута, там ужо знаходзіліся людзі ў цывільным, міліцыянты, вялася апэратыўная відэаздымка. Пасьля гэтага Януш Крупскі і асобы, што прыбылі зь ім, у Генэральным консульстве РП сустрэліся з вэтэранамі Арміі Краёвай і Войска Польскага. На сустрэчу прыехала каля сямідзесяці чалавек — зь Ліды, Воранава, Шчучына ды іншых мясьцінаў Гарадзеншчыны, а таксама зь Берасьця.
На здымку: Катынскі крыж на вайсковых могілках у Горадні.
