Лінкі ўнівэрсальнага доступу

У Ваўкавыскім раёне шукаюць чалавека, якога заваліла апоўзьнем


Міхал Карневіч, Гарадзенская вобласьць Няшчасны выпадак, паводле інфармацыі дзяжурнага Міністэрства надзвычайных сытуацый Ваўкавыскага раёна, здарыўся ў крэйдавым кар’еры побач з вёскай Калядзічы.

Учора прыкладна а 16.40 пяць аўтамабіляў МАЗ стаялі пад загрузку ў кар’еры, калі зьверху пайшоў апоўзень. Аўтамабілі былі заваленыя, некаторыя нават перавернутыя. Чатыры кіроўцы ўратаваліся самастойна, пошукі пятага працягваюцца службай МНС дагэтуль.

Глыбіня кар’ера складае 20 мэтраў. Кар’ер належыць прадпрыемству ТАА “Краснасельскбудматэрыялы”.
XS
SM
MD
LG