Лінкі ўнівэрсальнага доступу

Украіна адмовілася ад расейскага газу


Радыё Свабода Украіна ў 2007 годзе ня стане закупаць расейскі газ. Пра гэта заявіў міністар паліва і энэргетыкі Ўкраіны Юры Бойка. Украіна падпісала кантракты на пастаўку газу зь сярэднеазіяцкіх краінаў: 7 мільярдаў кубамэтраў – з Узбэкістану, 8.5 мільярдаў – з Казахстану, і 42 мільярды кубамэтраў – з Туркмэністану.

Сама Ўкраіна здабывае 20 мільярдаў кубамэтраў газу ў год. Гэты аб’ём разам з пастаўкамі з трох сярэднеазіяцкіх краінаў павінен пакрыць усе газавыя патрэбы Ўкраіны, якія складаюць 78 мільярдаў кубамэтраў у год.

Прэм’ер-міністар Украіны Віктар Януковіч заявіў, што Ўкраіна гарантуе бесьперашкодны транзыт расейскага газу праз сваю тэрыторыю. Летась праз украінскую газатранспартную сыстэму было перапампавана больш за 120 мільярдаў кубамэтраў газу.
XS
SM
MD
LG