Лінкі ўнівэрсальнага доступу

Страйк на прафсаюзным “Новым радыё”?


Алег Грузьдзіловіч, Менск 6 кастрычніка ў ранішнім эфіры FM-станцыі “Новае радыё”, якое належыць Фэдэрацыі прафсаюзаў на чале з Леанідам Козікам, прагучала аб’ява пра страйк журналістаў радыё. Было абвешчана, што супрацоўнікі радыё пратэстуюць супраць свавольства кіраўніцтва ФПБ і просяць заступніцтва Аляксандра Лукашэнкі.

Аднак да цяперашняга часу афіцыйна факт забастоўкі не пацьверджаны. Супрацоўнікі радыё абмаўляюцца камэнтаваць сытуацыю, а кіраўніцтва станцыі на званкі не адказвае.

FM-станцыя “Новае радыё” працуе ў беларускім эфіры каля двух гадоў. Апошнім часам з’яўляліся зьвесткі пра праблемы з заробкамі супрацоўнікаў радыё. Назіральнікі таксама згадваюць той факт, што болей за год таму “Новае радыё” першае сярод FM-станцый атрымала папярэджаньне Міністэрства інфармацыі за невыкананьне загаду аб выкарыстаньні ў эфіры ня меней за 75% беларускай музыкі.
XS
SM
MD
LG