Лінкі ўнівэрсальнага доступу

Сёньня разгледзяць папраўкі да Выбарчага кодэксу


Уладзімер Глод, Менск У Менску пачалася пятая сэсія Палаты прадстаўнікоў і пятая сэсія Савету Рэспублікі Нацыянальнага сходу.

У першы ж дзень дэпутаты Палаты прадстаўнікоў зьбіраюцца абмеркаваць папраўкі да Выбарчага кодэксу. У парадку дня гэтае пытаньне – пад нумарам 9.

Зьмены і дапаўненьні ў выбарчае заканадаўства ўнесеныя ў Палату ад імя кіраўніка беларускай дзяржавы. Самае кідкае зь іх – адмена на мясцовых выбарах другога тура галасаваньня. На сёньняшні момант каб стаць дэпутатам патрэбна набраць ня менш за 50% плюс 1 голас выбаршчыкаў. Цяпер жа прапануецца, каб дэпутацкі мандат адразу атрымліваў кандыдат, які набірае больш за іншых галасоў у першым туры.

Дзейны цяпер Выбарчы кодэкс быў прыняты 11 лютага 2000 году. Зьмены ў яго ўносіліся двойчы – у 2000-м і 2003-м гадах. Міжнародныя экспэрты шмат разоў адзначалі недакладнасьць прапісаных у ім некаторых выбарчых працэдураў. Асабліва крытыкуюць Беларусь за практыку масавага датэрміновага галасаваньня.

Падрабязнасьці – пазьней на нашым сайце і ў вечаровым эфіры.
XS
SM
MD
LG