У Магілёве завяршыўся фэстываль мультфільмаў “Анімаёўка 2006”

Гран-пры фэстывалю, “Крыштальны алавік” зь дзесяціграмовай залатой плястыкай, дастаўся маскоўскім аніматарам са студыі “Пілёт” за фільм “Жихарка”.

Сёлета ў фэстывалі ўдзельнічалі аніматары й прадусары зь Беларусі, Армэніі, Казахстану, Латвіі, Літвы, Расеі, Узбэкістану ды Ўкраіны. Конкурсныя анімацыйныя стужкі ацэньвала журы на чале з маскоўскім кіназнаўцам Аляксеем Арловым.

Сярод 400 мультфільмаў, прапанавых гледачам, ніводнага не было па беларуску. У аргкамітэце фэстывалю ня здолелі прыгадаць, ці былі наагул у гісторыі “Анімаёўкі” фільмы па-беларуску.