Дэпутат Вярхоўнага Савету 12-га скліканьня Мечыслаў Грыб згадвае, што ініцыятарам прыняцьця гэтай сымболікі была фракцыя БНФ.
(Грыб: ) “Яна даволі ўдала выкарыстала той момант, калі былі гэтыя зьмены, калі быў нейкі пярэпалах. Быў такі выпадак, калі прэзыдэнт Акадэміі навук матэматык Платонаў зьбіраўся ехаць за мяжу, а калі даведаўся, што будзе абмяркоўвацца пытаньне пра сымболіку, прыехаў у Менск, прыйшоў на паседжаньне Вярхоўнага Савету і выступаў у падтрымку гэтай гістарычнай сымболікі. Гэта таксама многа значыла, каб дэпутаты прынялі гэтую сымболіку. Былі і іншыя знакамітыя людзі, якія не належалі да БНФ, але выступалі ў падтрымку гістарычнай сымболікі. І гэта было даволі ўрачыста. Гэта замацоўвала прыняты сувэрэнітэт Беларусі. Я ад душы быў рады, што гэта адбылося”.
(Грыб: ) “Яна даволі ўдала выкарыстала той момант, калі былі гэтыя зьмены, калі быў нейкі пярэпалах. Быў такі выпадак, калі прэзыдэнт Акадэміі навук матэматык Платонаў зьбіраўся ехаць за мяжу, а калі даведаўся, што будзе абмяркоўвацца пытаньне пра сымболіку, прыехаў у Менск, прыйшоў на паседжаньне Вярхоўнага Савету і выступаў у падтрымку гэтай гістарычнай сымболікі. Гэта таксама многа значыла, каб дэпутаты прынялі гэтую сымболіку. Былі і іншыя знакамітыя людзі, якія не належалі да БНФ, але выступалі ў падтрымку гістарычнай сымболікі. І гэта было даволі ўрачыста. Гэта замацоўвала прыняты сувэрэнітэт Беларусі. Я ад душы быў рады, што гэта адбылося”.
