Паводле паведамленьняў італьянскіх СМІ, сёньня заканчваецца 24-гадзінны ўльтыматум беларускай амбасады ў Рыме, які тая выставіла італьянскай сям’і адносна вяртаньня Вікі Мароз у Беларусь. Учора італьянскі ўрад зьвярнуўся да Беларусі з просьбай даць дадатковы час да сёньняшняга вечара, каб завершыць перамовы з італьянскай сям’ёй. Перадаецца таксама, што беларускі амбасадар у Рыме Аляксей Скрыпко прыняў прапанову.
Радыё Свабода датэлефанавалася да беларускай амбасады ў Рыме:
(Манаў: ) “Ведаеце, я нічога вам сказаць цяпер не магу, паколькі побач са мной знаходзіцца амбасадар Беларусі ў Італіі, і ён цяпер дае інтэрвію італьянскай прэсе. Калі вы патэлефануеце празь пяць хвілінаў і ў яго будзе час, ён вам адкажа на вашы пытаньні”.
Аднак ні празь пяць хвілінаў, ні пазьней на наш званок ніхто не адказаў.
Напярэдадні ў размове зь БелаПАН амбасадар Беларусі ў Італіі Аляксей Скрыпко падкрэсьліў, што “весьці дыялёг з грамадзянамі — сувэрэннае права любой дзяржавы”. Ён ня стаў камэнтаваць магчымых захадаў беларускага боку па завяршэньні перамоваў. “Нашая пазыцыя застаецца прынцыповай — дзяўчынка павінна без аніякіх умоваў быць вернутая ў Беларусь”, — падкрэсьліў спадар Скрыпко.
Мы зьвярнуліся па інфармацыю да калегаў, якія працуюць у Італіі.
Кіраўнік беларускай службы Радыё Ватыкан айцец Клаўдзі паведаміў “Свабодзе”:
(а.Клаўдзі: ) “Учора адбылася сустрэча паміж бацькамі й прадстаўнікамі італьянскага міністэрства юстыцыі. Бацькі патрабуюць, каб дзяўчынка засталася прынамсі на год у Італіі, калі ня ў іх, то хаця б у нейкай адпаведнай структуры. Аднак гэта ня так проста, бо беларускі амбасадар у Італіі патрабуе, каб італьянскі бок перадаў менавіта сёньня Беларусі гэтую дзяўчынку. Ультыматум быў зроблены ўчора, і тэрмін ягонага выкананьня — 24 гадзіны. Цяпер ёсьць пагроза, як кажуць дыпляматы, дыпляматычнага канфлікту паміж Беларусьсю і Італіяй”.
А вось інфармацыя, якой падзяліўся з намі карэспандэнт бэрлінскай “Die Tageszeitung” Міхаэль Браўн:
(Браўн: ) “Дыпляматы выказваюць спадзяваньне на тое, што сытуацыя мусіць вырашыцца пазытыўна, аднак ніхто ня кажа, як гэта можа выглядаць. Ёсьць толькі паведамленьне пра тое, што сёньня пасьля 15-й гадзіны паводле мясцовага часу сустракаюцца дзяржсакратар міністэрства юстыцыі Італіі зь сям’ёй, якая прымала ў сябе дзяўчынку, каб паспрабаваць вырашыць гэтую праблему. Напярэдадні былі заявы беларускай амбасады, што калі праблема ня будзе вырашаная, то спробы адносна ўдачарэньня дзяўчынкі будуць прыпыненыя”.
Радыё Свабода датэлефанавалася да беларускай амбасады ў Рыме:
(Манаў: ) “Ведаеце, я нічога вам сказаць цяпер не магу, паколькі побач са мной знаходзіцца амбасадар Беларусі ў Італіі, і ён цяпер дае інтэрвію італьянскай прэсе. Калі вы патэлефануеце празь пяць хвілінаў і ў яго будзе час, ён вам адкажа на вашы пытаньні”.
Аднак ні празь пяць хвілінаў, ні пазьней на наш званок ніхто не адказаў.
Напярэдадні ў размове зь БелаПАН амбасадар Беларусі ў Італіі Аляксей Скрыпко падкрэсьліў, што “весьці дыялёг з грамадзянамі — сувэрэннае права любой дзяржавы”. Ён ня стаў камэнтаваць магчымых захадаў беларускага боку па завяршэньні перамоваў. “Нашая пазыцыя застаецца прынцыповай — дзяўчынка павінна без аніякіх умоваў быць вернутая ў Беларусь”, — падкрэсьліў спадар Скрыпко.
Мы зьвярнуліся па інфармацыю да калегаў, якія працуюць у Італіі.
Кіраўнік беларускай службы Радыё Ватыкан айцец Клаўдзі паведаміў “Свабодзе”:
(а.Клаўдзі: ) “Учора адбылася сустрэча паміж бацькамі й прадстаўнікамі італьянскага міністэрства юстыцыі. Бацькі патрабуюць, каб дзяўчынка засталася прынамсі на год у Італіі, калі ня ў іх, то хаця б у нейкай адпаведнай структуры. Аднак гэта ня так проста, бо беларускі амбасадар у Італіі патрабуе, каб італьянскі бок перадаў менавіта сёньня Беларусі гэтую дзяўчынку. Ультыматум быў зроблены ўчора, і тэрмін ягонага выкананьня — 24 гадзіны. Цяпер ёсьць пагроза, як кажуць дыпляматы, дыпляматычнага канфлікту паміж Беларусьсю і Італіяй”.
А вось інфармацыя, якой падзяліўся з намі карэспандэнт бэрлінскай “Die Tageszeitung” Міхаэль Браўн:
(Браўн: ) “Дыпляматы выказваюць спадзяваньне на тое, што сытуацыя мусіць вырашыцца пазытыўна, аднак ніхто ня кажа, як гэта можа выглядаць. Ёсьць толькі паведамленьне пра тое, што сёньня пасьля 15-й гадзіны паводле мясцовага часу сустракаюцца дзяржсакратар міністэрства юстыцыі Італіі зь сям’ёй, якая прымала ў сябе дзяўчынку, каб паспрабаваць вырашыць гэтую праблему. Напярэдадні былі заявы беларускай амбасады, што калі праблема ня будзе вырашаная, то спробы адносна ўдачарэньня дзяўчынкі будуць прыпыненыя”.