Лінкі ўнівэрсальнага доступу

logo-print

Вярхоўны Суд: Алеся Дзергачова пакаралі справядліва


Міхал Карневіч, Смаргонь На тое, каб Вярхоўны Суд разгледзеў скаргу, Алесь Дзергачоў са Смаргоні аддаў паўгоду. Падчас выбарчай кампаніі ён як актывіст са штабу Аляксандра Мілінкевіча быў арыштаваны на 5 сутак. Яго зьвінавацілі ў тым, што расклейваў улёткі ў недазволеным месцы й супраціўляўся міліцыянтам.

У адказе з суду паведамляецца, што Алесь Дзергачоў быў асуджаны справядліва, на падставе сьведчаньняў трох міліцыянтаў. Ня згадваецца пра тое, што ў судзе былі іншыя сьведкі, якія настойвалі на тым, што Алесь Дзергачоў не парушаў закону.

Цяпер актывіст мае намер даслаць скаргу ў Камітэт ААН у правах чалавека.
XS
SM
MD
LG