Лінкі ўнівэрсальнага доступу

У ААН абмяркуюць сытуацыю з правамі чалавека ў Беларусі


Паводле БелаПАН 18 верасьня ў Жэнэве адкрываецца другая сэсія Рады ААН ў правах чалавека. Адмысловы дакладчык ААН па Беларусі Адрыян Сэвэрын плянуе выступіць з дакладам наконт беларускай сытуацыі 19 верасьня.

У інтэрвію БелаПАН ён адзначыў, што зьбіраецца пашырыць свае паўнамоцтвы ў рамках мандату. Сэвэрын выказаў надзею, што праца новай Рады ААН зможа паспрыяць наладжваньню яго супрацоўніцтва з беларускімі ўладамі. Пры гэтым Сэвэрын падкрэсьліў, што ад 2004 году дыялёг з беларускімі ўладамі адсутнічае.

У справаздачы А.Сэвэрына пра сытуацыю ў Беларусі за 2005 год гаварылася “пра рэзкае пагаршэньне сытуацыі ў галіне правоў чалавека”.

У склад Рады ААН ў правах чалавека, якая зьмяніла сёлета аднайменную камісію, уваходзіць 47 краінаў. Раней было 53. З былых рэспублік Савецкага Саюзу ў раду увайшлі Азэрбайджан, Расея і Украіна.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG