Як паведамляе БелаПАН, у адказе за подпісам намесьніка начальніка Кастрычніцкага РАУС Віцебска гаворыцца, што "падчас праведзенай праверкі ўстанавіць асобу, якая даслала ліст-папярэджаньне, зьявілася немагчымым. У выпадку ўстанаўленьня асобы вам будзе паведамлена дадаткова".
Нагадаем, 10 жніўня ў рэдакцыю "Витебского курьера" прыйшоў ліст з пагрозамі, адпраўнікам якога значылася "кіраўніцтва віцебскага аддзяленьня ўсерасійскай арганізацыі "Рускае нацыянальнае адзінства".
У лісьце выказвалася патрабаваньне "спыніць публікацыі, што дыскрэдытуюць існуючую ў Беларусі ўладу і глыбокапаважанага намі першага прэзыдэнта Аляксандра Рыгоравіча Лукашэнку, бо ён вядзе непрымірымую, сусьветную барацьбу за веліч славянскіх народаў з жыдамі і лібэраламі ўсіх масьцей, якія імкнуцца заняволіць вялікі рускі народ".
Аўтары ліста заклікалі супрацоўнікаў рэдакцыі на працягу месяца "перагледзець сваю інфармацыйную палітыку". У адваротным выпадку, зазначалася ў лісце, "мы пакідаем за сабою права задзейнічаць усе свае рэсурсы і сувязі ў калідорах улады для закрыцьця газэты ў максымальна кароткія тэрміны".
Тэкст ліста дапаўняў малюнак, на якім малады чалавек у ваеннай форме са свастыкай трымае ў адной руцэ меч, а ў другой – падвешанага на вяроўцы чалавека, на грудзях якога намалявана зорка Давіда, а з кішэняў сыплюцца даляры. Пад малюнкам стаяў надпіс "Ачысьцім Расію!"
Нагадаем, 10 жніўня ў рэдакцыю "Витебского курьера" прыйшоў ліст з пагрозамі, адпраўнікам якога значылася "кіраўніцтва віцебскага аддзяленьня ўсерасійскай арганізацыі "Рускае нацыянальнае адзінства".
У лісьце выказвалася патрабаваньне "спыніць публікацыі, што дыскрэдытуюць існуючую ў Беларусі ўладу і глыбокапаважанага намі першага прэзыдэнта Аляксандра Рыгоравіча Лукашэнку, бо ён вядзе непрымірымую, сусьветную барацьбу за веліч славянскіх народаў з жыдамі і лібэраламі ўсіх масьцей, якія імкнуцца заняволіць вялікі рускі народ".
Аўтары ліста заклікалі супрацоўнікаў рэдакцыі на працягу месяца "перагледзець сваю інфармацыйную палітыку". У адваротным выпадку, зазначалася ў лісце, "мы пакідаем за сабою права задзейнічаць усе свае рэсурсы і сувязі ў калідорах улады для закрыцьця газэты ў максымальна кароткія тэрміны".
Тэкст ліста дапаўняў малюнак, на якім малады чалавек у ваеннай форме са свастыкай трымае ў адной руцэ меч, а ў другой – падвешанага на вяроўцы чалавека, на грудзях якога намалявана зорка Давіда, а з кішэняў сыплюцца даляры. Пад малюнкам стаяў надпіс "Ачысьцім Расію!"