Лінкі ўнівэрсальнага доступу

logo-print

Юры Сівакоў: “Прывожу і Суворава, і Пятра Першага, і Гітлера”


Радыё Свабода Генэрал Юры Сівакоў пракамэнтаваў сваю публікацыю ў часопісе “Спэцназ”.

(Сівакоў: ) “А што там напісана таго, што супярэчыць элемэнтарнай логіцы? Гісторыя ёсьць гісторыя. І Напалеон, і Гітлер, і Сталін і ўсе іншыя , пачынаючы яшчэ са старажытных кітайскіх філёзафаў маюць права на аналіз і права атрымаць свой эмпірычны досьвед. Так ці не? Я што там пішу, што трэба кіравацца кодэксам Гітлера ці што? Я там прывожу і Суворава і Пятра Першага, і Гітлера, а потым фармулюю з усяго з гэтага тое, што лічу актуальным. Разумееце, кожны бачыць тое, што хоча бачыць. І кожны чуе тое, што хоча чуць”.

(Карэспандэнт: ) “Але вы там кажаце, пры ўсёй адыёзнасьці асобы Гітлера, над многімі пастулятамі ёсьць сэнс задумацца…”

(Сівакоў: ) “Над некаторымі так, чаму не. Хто адмаўляе, што Гітлер стварыў моцную армію? Вы што гэта адмаўляеце? Разумееце, не трэба блытаць Боскі дар з яечняй. У філязофіі вывучаюць і дэ Сада, і Ніцшэ, і Платонава і ўсё гэта параўноўваючы робяцца адпаведныя высновы”.

Як паведамляў раней сайт Свабоды, сябра Сойму Партыі БНФ Валянціна Сьвяцкая падае ў суд на генэрала Юрыя Сівакова з нагоды яго артыкулу “Честь имеем!”, які быў апублікаваны ў часопісе “Спэцназ” №4 за 2006. Валянціна Сьвяцкая заявіла, што сваёй публікацыяй аўтар закранае яе гонар і годнасьць.

У артыкуле “Честь имеем!” аўтар прыводзіць вытрымкі з кодэксу нямецкага афіцэра, напісанага асабіста Адольфам Гітлерам 9 жніўня 1941 году: “Любоў да фюрэра, народа і Айчыны вышэй за ўсё”. Юрый Сівакоў піша: “ Цікавым, я думаю, будзе для многіх кодэкс гонару афіцэра, напісаны Адольфам Гітлерам. Пры ўсёй адыёзнасьці гэтай асобы над многімі пастулятамі ёсьць сэнс задумацца”.
XS
SM
MD
LG