Лінкі ўнівэрсальнага доступу

У Магілёве асуджаны за хабарніцтва выкладчык унівэрсытэту


Радыё Свабода, Магілёў За атрыманьне хабару Ленінскі раённы суд Магілёва на шэсьць гадоў пазбавіў волі выкладчыка Магілёўскага дзяржаўнага ўнівэрсытэту імя Куляшова, палкоўніка ў адстаўцы Аляксандра Дудзюка. Сярод дысцыплінаў, якія выкладаў асуджаны, былі “асновы патрыятычнага выхаваньня”.

У прыёмнай рэктара ўнівэрсытэту адмовіліся даць якую-небудзь інфармацыю на факт зьняволеньня. Зь мясцовай прэсы вядома, што Аляксандар Дудзюк быў затрыманы пры канцы сёлетняе зімы. Сьледзтва ўстанавіла, што выкладчык у пэрыяд зімовай сэсіі атрымаў хабару на суму больш за 700 тысяч рублёў. Акрамя таго студэнты несьлі яму харчы ды сьпіртное. Адзін раз студэнты талакой набылі выкладчыку газонакасілку.
XS
SM
MD
LG