Сёлета райцэнтар Паставы таксама атрымаў значную суму зь дзяржаўнага бюджэту на рэстаўрацыю будынкаў ды прыём гасьцей. Афіцыйна запрошана больш як 800 чалавек, але ў лік самых пачэсных гасьцей сьвята пісьменства – уласна пісьменьнікаў – трапілі толькі сябры прадзяржаўнага Саюзу пісьменьнікаў Беларусі.
Уласна Днём беларускага пісьменства сёлета абвешчаны заўтрашні дзень, 3-га верасьня. Але ўжо сёньня ў Паставах прайшлі асобныя сьвяточныя імпрэзы: адчыніўся пасьля капітальнага рамонту раённы Дом культуры, прайшлі навукова-практычныя “Пастаўскія чытаньні”, у якіх узялі ўдзел мясцовыя настаўнікі ды краязнаўцы, адбылося адкрыцьцё помніка Антонію Тызенгаўзу – уладальніку Пастаў у другой палове ХVШ стагодзьдзя, асьветніку й вядомаму грамадзкаму дзеячу, дзякуючы якому ў Паставах зьявілася арыгінальная забудова гарадскога цэнтру паводле праекту запрошаных італьянскіх архітэктараў, першыя прадпрыемствы, а таксама камэрны аркестар і балетная школа.
Заўтра ў Паставах маюць адбыцца “ Фэстываль кнігі і прэсы” , уручэньне ўзнагароды “Залаты фаліянт” ляўрэатаў 46-га рэспубліканскага конкурсу "Мастацтва кнігі", шматлікія кніжныя выставы, падрыхтаваныя бібліятэкарамі ды выдаўцамі.
Намесьнік прэм’ер-міністра Беларусі Аляксандар Касінец, які ўзначальвае аргкамітэт па падрыхтоўцы ды правядзеньні сьвята, падкрэсьліў, што сёлетні Дзень беларускага пісьменства мае задачу “спрыяць паляпшэньню дзейнасьці сродкаў масавае інфармацыі”. Аднак на сьвята ў Паставы былі запрошаныя сёлета толькі прадстаўнікі дзяржаўных медыяў. А таксама толькі сябры прадзяржаўнага Саюзу пісьменьнікаў Беларусі.
Кіраўнік Віцебскай філіі Саюзу беларускіх пісьменьнікаў Франц Сіўко пацьвердзіў, што запрашэньняў на сьвята не атрымаў ні ён, ні іншыя сябры Саюзу, і што Дзень беларускага пісьменства праходзіць безь іхнага удзелу ўжо прынамсі другі год.
(Сіўко: ) “З маіх 26-ці чалавек ніхто не запрошаны, і нас ужо некалькі гадоў не запрашаюць. Хіба што мясцовыя будуць: там навуковая канфэрэнцыя заплянаваная, і мне тэлефанаваў Аркадзь Нафрановіч, што яны з Ігарам Пракаповічам возьмуць удзел у якасьці краязнаўцаў. Аркадзь Нафрановіч напісаў кнігу пра тамтэйшых настаўнікаў, а Ігар Пракаповіч увогуле вядомы краязнаўца. Але ж яны яшчэ сябры творчага союзу, а вось ці будуць выступаць у якасьці літаратараў? Якое там! Туды ж вядома хто прыедзе – ні Барадуліна, ні Бураўкіна там ня будзе, я думаю!”
Меркаваньне старшыні абласной філіі Саюза беларускіх пісьменьнікаў падзяляе і старшыня абласной рады ТБМ Іосіф Навумчык. Дарэчы, Пастаўшчына – гэта ягоная малая радзіма, і прадстаўнікі Таварыства беларускае мовы, здавалася б, таксама мусілі б быць пачэснымі гасьцямі на Дні беларускага пісьменства, аднак ні спадара Навумчыка, ні іншых сябраў ТБМ туды не запрашалі.
(Навумчык: ) “Я ж зямляк, я ж пастаўчанін, але не запрасілі. І ніхто з нас не паедзе. Я размаўляў тут з Алесем Пашкевічам, дык такія пісьменьнікі, як Барадулін, Бураўкін, Законьнікаў нават не запрошаныя, пра гэта й гаворкі няма!”
Сябры ТБМ спадзяваліся, што з нагоды Дня беларускага пісьменства ў Паставах нарэшце нейкім чынам будзе ўшанаваная памяць Уладзімера Дубоўкі, які нарадзіўся ў вёсцы Агароднікі недалёка ад райцэнтру, аднак у пляны арганізатараў сьвята гэты пункт таксама ня трапіў.
Уласна Днём беларускага пісьменства сёлета абвешчаны заўтрашні дзень, 3-га верасьня. Але ўжо сёньня ў Паставах прайшлі асобныя сьвяточныя імпрэзы: адчыніўся пасьля капітальнага рамонту раённы Дом культуры, прайшлі навукова-практычныя “Пастаўскія чытаньні”, у якіх узялі ўдзел мясцовыя настаўнікі ды краязнаўцы, адбылося адкрыцьцё помніка Антонію Тызенгаўзу – уладальніку Пастаў у другой палове ХVШ стагодзьдзя, асьветніку й вядомаму грамадзкаму дзеячу, дзякуючы якому ў Паставах зьявілася арыгінальная забудова гарадскога цэнтру паводле праекту запрошаных італьянскіх архітэктараў, першыя прадпрыемствы, а таксама камэрны аркестар і балетная школа.
Заўтра ў Паставах маюць адбыцца “ Фэстываль кнігі і прэсы” , уручэньне ўзнагароды “Залаты фаліянт” ляўрэатаў 46-га рэспубліканскага конкурсу "Мастацтва кнігі", шматлікія кніжныя выставы, падрыхтаваныя бібліятэкарамі ды выдаўцамі.
Намесьнік прэм’ер-міністра Беларусі Аляксандар Касінец, які ўзначальвае аргкамітэт па падрыхтоўцы ды правядзеньні сьвята, падкрэсьліў, што сёлетні Дзень беларускага пісьменства мае задачу “спрыяць паляпшэньню дзейнасьці сродкаў масавае інфармацыі”. Аднак на сьвята ў Паставы былі запрошаныя сёлета толькі прадстаўнікі дзяржаўных медыяў. А таксама толькі сябры прадзяржаўнага Саюзу пісьменьнікаў Беларусі.
Кіраўнік Віцебскай філіі Саюзу беларускіх пісьменьнікаў Франц Сіўко пацьвердзіў, што запрашэньняў на сьвята не атрымаў ні ён, ні іншыя сябры Саюзу, і што Дзень беларускага пісьменства праходзіць безь іхнага удзелу ўжо прынамсі другі год.
(Сіўко: ) “З маіх 26-ці чалавек ніхто не запрошаны, і нас ужо некалькі гадоў не запрашаюць. Хіба што мясцовыя будуць: там навуковая канфэрэнцыя заплянаваная, і мне тэлефанаваў Аркадзь Нафрановіч, што яны з Ігарам Пракаповічам возьмуць удзел у якасьці краязнаўцаў. Аркадзь Нафрановіч напісаў кнігу пра тамтэйшых настаўнікаў, а Ігар Пракаповіч увогуле вядомы краязнаўца. Але ж яны яшчэ сябры творчага союзу, а вось ці будуць выступаць у якасьці літаратараў? Якое там! Туды ж вядома хто прыедзе – ні Барадуліна, ні Бураўкіна там ня будзе, я думаю!”
Меркаваньне старшыні абласной філіі Саюза беларускіх пісьменьнікаў падзяляе і старшыня абласной рады ТБМ Іосіф Навумчык. Дарэчы, Пастаўшчына – гэта ягоная малая радзіма, і прадстаўнікі Таварыства беларускае мовы, здавалася б, таксама мусілі б быць пачэснымі гасьцямі на Дні беларускага пісьменства, аднак ні спадара Навумчыка, ні іншых сябраў ТБМ туды не запрашалі.
(Навумчык: ) “Я ж зямляк, я ж пастаўчанін, але не запрасілі. І ніхто з нас не паедзе. Я размаўляў тут з Алесем Пашкевічам, дык такія пісьменьнікі, як Барадулін, Бураўкін, Законьнікаў нават не запрошаныя, пра гэта й гаворкі няма!”
Сябры ТБМ спадзяваліся, што з нагоды Дня беларускага пісьменства ў Паставах нарэшце нейкім чынам будзе ўшанаваная памяць Уладзімера Дубоўкі, які нарадзіўся ў вёсцы Агароднікі недалёка ад райцэнтру, аднак у пляны арганізатараў сьвята гэты пункт таксама ня трапіў.
