Да зьяўленьня пэрсанальных кампутараў вылічальныя машыны каштавалі некалькі мільёнаў даляраў, займалі цэлы пакой і для свайго кіраваньня патрабавалі 60 чалавек абслугі. Зрэшты, і праз чвэрць стагодзьдзя некаторыя краіны могуць пахваліцца надзвычайнымі памерамі сваіх кампутараў. Як кажа вучоны сакратар Інстытуту аб’яднаных праблемаў інфарматыкі Нацыянальнай Акадэміі навук Альберт Пятроўскі, беларуска-расейская распрацоўка “СКІФ-1000” уваходзіць у склад 500 найбольш магутных кампутараў сьвету. Праўда, запатрабаванасьць беларускага супэркампутару надзвычай сьціплая.
(Пятроўскі: ) “Ёсьць магчымасьць хутка, дастаткова танна і якасна зрабіць прамысловы прадукт. Але сёньня камусьці дапамаглі вырашыць задачу, а на тое, каб увесьці гэта ў абарот пастаянны, прадпрыемства не жадае. Гэта ж пэўная філязофія, як гаворыцца”.
Першы ўсясьветны пэрсанальны кампутар каштаваў 1560 даляраў, быў просты ў карыстаньні і займаў параўнальна няшмат месца. IBM 5150 быў укамплектаваны працэсарам Intel 8080 і апэратыўнай памяцьцю 16 кілябайт. У пэрсанальным кампутары таго ўзору не было вінчэстэра, а дыскавод неабходна было набываць за асобную плату.
Цяпер вытворчасьцю пэрсанальных кампутараў займаюцца па ўсім сьвеце. У Беларусі зборкай кампутараў займаюцца як прыватныя прадпрыемствы (найбольш раскручаная гандлёвая марка NTT), так і дзяржаўныя – менскія “Інтэграл”, вытворчае аб’яднаньне вылічальнай тэхнікі імя Арджанікідзэ і г.д. Апроч таго, цэлы шэраг кампаній займаецца распрацоўкай праграмнага забесьпячэньня. Пра эксклюзыйныя распрацоўкі расказвае дырэктар па маркетынгу кампаніі “Белсофт” Леанід Вялічка:
(Вялічка: ) “У нас ёсьць арыгінальныя распрацоўкі. Вось, прыкладам, распрацоўкі, зробленыя нашай кампаніяй. Перадусім, гэта сістэма камунальных плацяжоў, якая працуе ўжо шмат гадоў у краіне. Яна тут ўкаранёная нашмат раней, чым нават у Маскве. І яна запатрабаваная ня толькі ў Беларусі: да нас прыязджалі з Томску, зь іншых рэгіёнаў Расеі з мэтай набыць такую распрацоўку, паколькі ў іх такіх працаў няма. Таму што гэта новыя тэхналёгіі, арыгінальныя распрацоўкі.
У нас маецца распрацоўка мэдычнай сістэмы. Да нас прыязджалі людзі з расейскіх тэхнапаркаў, з валагодзкага рэгіёну. Яны хочуць гэтую сістэму, яна запатрабаваная за межамі Рэспублікі Беларусь”.
Да юбілею зьяўленьня першага пэрсанальнага кампутара IBM 5150 адна з машынаў, якая знаходзіцца ў працоўным стане, выстаўленая на інтэрнэт-аўкцыён. Пачатковы кошт лоту складае ўсяго 9,99 даляру, і таргі працягнуцца да 13 жніўня 2006 году.
(Пятроўскі: ) “Ёсьць магчымасьць хутка, дастаткова танна і якасна зрабіць прамысловы прадукт. Але сёньня камусьці дапамаглі вырашыць задачу, а на тое, каб увесьці гэта ў абарот пастаянны, прадпрыемства не жадае. Гэта ж пэўная філязофія, як гаворыцца”.
Першы ўсясьветны пэрсанальны кампутар каштаваў 1560 даляраў, быў просты ў карыстаньні і займаў параўнальна няшмат месца. IBM 5150 быў укамплектаваны працэсарам Intel 8080 і апэратыўнай памяцьцю 16 кілябайт. У пэрсанальным кампутары таго ўзору не было вінчэстэра, а дыскавод неабходна было набываць за асобную плату.
Цяпер вытворчасьцю пэрсанальных кампутараў займаюцца па ўсім сьвеце. У Беларусі зборкай кампутараў займаюцца як прыватныя прадпрыемствы (найбольш раскручаная гандлёвая марка NTT), так і дзяржаўныя – менскія “Інтэграл”, вытворчае аб’яднаньне вылічальнай тэхнікі імя Арджанікідзэ і г.д. Апроч таго, цэлы шэраг кампаній займаецца распрацоўкай праграмнага забесьпячэньня. Пра эксклюзыйныя распрацоўкі расказвае дырэктар па маркетынгу кампаніі “Белсофт” Леанід Вялічка:
(Вялічка: ) “У нас ёсьць арыгінальныя распрацоўкі. Вось, прыкладам, распрацоўкі, зробленыя нашай кампаніяй. Перадусім, гэта сістэма камунальных плацяжоў, якая працуе ўжо шмат гадоў у краіне. Яна тут ўкаранёная нашмат раней, чым нават у Маскве. І яна запатрабаваная ня толькі ў Беларусі: да нас прыязджалі з Томску, зь іншых рэгіёнаў Расеі з мэтай набыць такую распрацоўку, паколькі ў іх такіх працаў няма. Таму што гэта новыя тэхналёгіі, арыгінальныя распрацоўкі.
У нас маецца распрацоўка мэдычнай сістэмы. Да нас прыязджалі людзі з расейскіх тэхнапаркаў, з валагодзкага рэгіёну. Яны хочуць гэтую сістэму, яна запатрабаваная за межамі Рэспублікі Беларусь”.
Да юбілею зьяўленьня першага пэрсанальнага кампутара IBM 5150 адна з машынаў, якая знаходзіцца ў працоўным стане, выстаўленая на інтэрнэт-аўкцыён. Пачатковы кошт лоту складае ўсяго 9,99 даляру, і таргі працягнуцца да 13 жніўня 2006 году.
