Лінкі ўнівэрсальнага доступу

Ці лічыце вы, што ўлада ўмешваецца ў прыватнае жыцьцё грамадзян?


Радыё Свабода, Віцебск На наша новае пытаньне тыдня адказваюць людзі на менскіх вуліцах

(Дзяўчына: ) “Канешне, дзяржава аказвае нейкае ўзьдзеяньне і на маё прыватнае жыцьцё. У мяне няма гарантыі, што мой тэлефон не праслухваецца, што не праглядваюць маю пошту. Я не магу свабодна выказваць свае думкі, нават калі я знаходжуся недзе са сваімі сябрамі. У навучальных установах вельмі глядзяць за тым, каб нічога лішняга не сказалі, каб кудысьці ня ўлезьлі.”

(Спадар: ) “ Мне ўсё роўна! У мае жыцьцё ніхто не ўмешваецца, жывем нармалёва!”

(Хлопец: ) “Па тэлефоне я на ўсялякі выпадак ніколі нічога важнага не абмяркоўваю. У мяне ёсьць яўныя падазрэньні, але доказаў жа няма…”

(Спадар: ) “Эпізод з сакратаром латвійскай амбасады будзе ў падручніках – як прыклад, чаго не трэба рабіць. Магчымасьць такога ўмяшаньня ў прыватнае жыцьцё нельга выключаць, калі займаешся палітыкай”.

(Спадарыня: ) “Я сама з’яўляюся чалавекам з нетрадыцыйнай сэксуальнай арыентацыяй, і гэтыя тэндэнцыі, якія можна заўважыць у нашай краіне, мяне турбуюць. Ну ёсьць тэндэнцыі да ўмяшаньня ў прыватнае жыцьцё!”

(Спадар: ) “Канешне, пастаянна умешваецца: перамовы, пошта, камунікацыі, інтэрнэт, абмежаваньне доступу на культурныя мерапрыемствы, сьвяты, канцэрты, да кніг, прэсы. Палову гадзіны можна пералічваць!”

(Дзяўчына: ) “Калі размаўляеш па-беларуску (я сутыкнулася з такой сытуацыяй) нашы ахоўнікі парадку рэагуюць так, што могуць і забраць. Я раз размаўляла па-беларуску, і мяне забралі ў “ментоўку”!

(Спадар: ) “Дзяржава, на мой погляд, зьдзяйсьняе свае функцыі. Проста частка функцый заснавана на абмежаваньні свабодаў грамадзян дзеля забесьпячэньня стабільнасьці соцыюма. Ёсьць некаторыя перагібы, але гэта для этапу станаўленьня даволі характэрна!”
XS
SM
MD
LG