Прадстаўнікі Беларускага дзяржаўнага ўнівэрсытэту цягам апошніх дзён падаюць супярэчлівую інфармацыю што да спэцыяльнасьцяў, на якія адзначаецца недабор абітурыентаў. Паводле прэсавай службы БДУ, – гэта дзённыя аддзяленьні бюджэтнай формы навучаньня на хімічным, фізычным, мэханіка-матэматычным факультэтах, а таксама на факультэце радыёфізыкі й электронікі па шэрагу спэцыяльнасьцяў.
Сёньня ж сакратар прыёмнай камісіі ўнівэрсытэту Вячаслаў Малафееў удакладніў для Радыё Свабода, што недабор абітурыэнтаў ёсьць толькі на факультэты фізыкі, радыёфізыкі й электронікі. А на іншыя вышэйзгаданыя факультэты конкурс – крыху больш за 1 чалавека на месца. Спадар Малафееў тлумачыць гэта, сярод іншага, тым, што БДУ праводзіць дадатковы профільны іспыт па фізыцы, адрозна ад іншых ВНУ, дзе абмяжоўваюцца вынікамі цэнтралізаванага тэставаньня. Уплываюць таксама і іншыя фактары.
(Малафееў: ) “Інтарэс да гэтых спэцыяльнасьцяў паніжаецца й саступае ўстойліваму інтарэсу да гуманітарных спэцыяльнасьцяў. На тое самае правазнаўства традыцыйна конкурс 3 з паловай чалавекі на месца”.
Кіраўніца прэсавай службы БДУ Вольга Шчадрына тлумачыць недабор абітурыентаў яшчэ й зьменамі ў правілах прыёму.
(Шчадрына: ) “Упершыню шмат што здарылася падчас гэтай прыёмнай кампаніі. Мы разам з усімі ВНУ ў адной плыні – і з рэгіянальнымі, і з тэхнічнымі. Па-другое, спэцыяльнасьці “педагогі фізыкі й хіміі” зрабіліся непрэстыжнымі”.
Дацэнт хімфаку Кастусь Лабко гэтаксама зьвязвае невысокі інтарэс абітурыентаў да некалі прэстыжных факультэтаў са шматлікімі экспэрымэнтамі.
(Лабко: ) “Недасканалая сыстэма ўступных іспытаў і дзяржаўных іспытаў у школе. І кожны год яна мяняецца. Людзі ня ведаюць, што рабіць, у тым ліку і ў Міністэрстве адукацыі. Бо сёньня адно, заўтра будзе іншае…”
Былы кіраўнік ўпраўленьня міжнародных сувязяў БДУ Аляксандар Рухля зважае на такі факт: бракуе абітурыэнтаў менавіта на тыя спэцыяльнасьці, якія ў блізкім часе могуць быць вельмі запатрабаванымі.
(Рухля: ) “Наша палітычная ізаляванасьць вядзе да таго, што мы не разьвіваемся.А нам вельмі патрэбныя новыя тэхналёгіі. Што не ідуць цяпер людзі на факультэты, якія могуць гэтыя тэхналёгіі прынесьці, мяне вельмі засмучае”.
А экс-прарэктар БДУ Анатоль Паўлаў зьвязвае спад папулярнасьці БДУ зь недасканалым кіраўніцтвам гэтай навучальнай ўстановы.
(Паўлаў: ) “Калі даведаўся пра гэта, мне было сорамна й балюча. А колькі можна на ўнівэрсытэце экспэрымэнтаваць? “Прыбралі” Казуліна, які вельмі шмат зрабіў для ўнівэрсытэту, у тым ліку й для папулярызацыі яго. Адкрываліся ж новыя аддзяленьні. А сёньня закрываюцца. Я сёлета быў у шоку, калі рэктар Стражаў пайшоў у адпачынак у ліпені – напярэдадні ўступных іспытаў”.
Што да іншых прычынаў нястачы абітурыентаў у БДУ, то адмыслоўцы ў сфэры адукацыі адзначаюць і дэмаграфічную сытуацыю ў краіне, і сацыяльную неўладкаванасьць, калі многія бацькі ня ў стане забясьпечыць навучаньне сваіх дзяцей.
Сёньня ж сакратар прыёмнай камісіі ўнівэрсытэту Вячаслаў Малафееў удакладніў для Радыё Свабода, што недабор абітурыэнтаў ёсьць толькі на факультэты фізыкі, радыёфізыкі й электронікі. А на іншыя вышэйзгаданыя факультэты конкурс – крыху больш за 1 чалавека на месца. Спадар Малафееў тлумачыць гэта, сярод іншага, тым, што БДУ праводзіць дадатковы профільны іспыт па фізыцы, адрозна ад іншых ВНУ, дзе абмяжоўваюцца вынікамі цэнтралізаванага тэставаньня. Уплываюць таксама і іншыя фактары.
(Малафееў: ) “Інтарэс да гэтых спэцыяльнасьцяў паніжаецца й саступае ўстойліваму інтарэсу да гуманітарных спэцыяльнасьцяў. На тое самае правазнаўства традыцыйна конкурс 3 з паловай чалавекі на месца”.
Кіраўніца прэсавай службы БДУ Вольга Шчадрына тлумачыць недабор абітурыентаў яшчэ й зьменамі ў правілах прыёму.
(Шчадрына: ) “Упершыню шмат што здарылася падчас гэтай прыёмнай кампаніі. Мы разам з усімі ВНУ ў адной плыні – і з рэгіянальнымі, і з тэхнічнымі. Па-другое, спэцыяльнасьці “педагогі фізыкі й хіміі” зрабіліся непрэстыжнымі”.
Дацэнт хімфаку Кастусь Лабко гэтаксама зьвязвае невысокі інтарэс абітурыентаў да некалі прэстыжных факультэтаў са шматлікімі экспэрымэнтамі.
(Лабко: ) “Недасканалая сыстэма ўступных іспытаў і дзяржаўных іспытаў у школе. І кожны год яна мяняецца. Людзі ня ведаюць, што рабіць, у тым ліку і ў Міністэрстве адукацыі. Бо сёньня адно, заўтра будзе іншае…”
Былы кіраўнік ўпраўленьня міжнародных сувязяў БДУ Аляксандар Рухля зважае на такі факт: бракуе абітурыэнтаў менавіта на тыя спэцыяльнасьці, якія ў блізкім часе могуць быць вельмі запатрабаванымі.
(Рухля: ) “Наша палітычная ізаляванасьць вядзе да таго, што мы не разьвіваемся.А нам вельмі патрэбныя новыя тэхналёгіі. Што не ідуць цяпер людзі на факультэты, якія могуць гэтыя тэхналёгіі прынесьці, мяне вельмі засмучае”.
А экс-прарэктар БДУ Анатоль Паўлаў зьвязвае спад папулярнасьці БДУ зь недасканалым кіраўніцтвам гэтай навучальнай ўстановы.
(Паўлаў: ) “Калі даведаўся пра гэта, мне было сорамна й балюча. А колькі можна на ўнівэрсытэце экспэрымэнтаваць? “Прыбралі” Казуліна, які вельмі шмат зрабіў для ўнівэрсытэту, у тым ліку й для папулярызацыі яго. Адкрываліся ж новыя аддзяленьні. А сёньня закрываюцца. Я сёлета быў у шоку, калі рэктар Стражаў пайшоў у адпачынак у ліпені – напярэдадні ўступных іспытаў”.
Што да іншых прычынаў нястачы абітурыентаў у БДУ, то адмыслоўцы ў сфэры адукацыі адзначаюць і дэмаграфічную сытуацыю ў краіне, і сацыяльную неўладкаванасьць, калі многія бацькі ня ў стане забясьпечыць навучаньне сваіх дзяцей.
