Лінкі ўнівэрсальнага доступу

Як ставяцца гледачы да дэманстраваньня па БТ парнаграфічных сюжэтаў?


Радыё Свабода Апытаньне на менскіх вуліцах

(Хлопец: ) “Такога ня мусяць паказваць па тэлебачаньні. Гэта амаральна”.

(Спадар: ) “Вельмі кепска стаўлюся. Гэтага нельга рабіць”.

(Спадар: ) “А я ня веру, што такое было. Гэта зроблена, каб скампрамэтаваць людзей”.

(Карэспандэнт: ) “У выніковай аналітычнай праграме беларускага тэлебачаньня “У цэнтры ўвагі” быў паказаны парнаграфічны сюжэт пра прыватнае жыцьцё латвійскага дыплямата ў Менску. Як вы ставіцеся да дэманстрацыі такіх сюжэтаў па тэлебачаньні?”

(Спадарыня: ) “Вельмі дрэнна. Трэба ж неяк паважаць. Гэта ж дыплямат. У нас жа прадаваліся ў кіёсках парнаграфічныя часопісы. І нікога не каралі. Мне здаецца, гэта папросту чапляньне”.

(Спадар: ) “Адмоўна. Гэта дыскрэдытуе БТ”.

(Хлопец: ) “Нельга паказваць людзям такое. Гэта павышае агрэсіўнасьць народу”.

(Спадарыня: ) “Калі БТ такое паказвае, значыць камусьці гэта патрэбна. Адмоўна”.

(Спадарыня: ) “Вельмі нэгатыўна. Бо гэта прыватнае жыцьцё кожнага свабоднага грамадзяніна. Кім бы ён ні быў – дыпляматам, ці сантэхнікам. Ня трэба корпацца ў бруднай бялізьне”.

(Дзяўчына: ) “Дрэнна. Гэта могуць глядзець маленькія дзеці”.

(Хлопец: ) “Гэта нейкая шызафрэнія. Вельмі непрыгожа. Трэба думаць пра тое, што гэта глядзяць дзеці. Бацькі неяк спрабуюць іх ад гэтага абараніць. Але ж бацькі дома ня ўвесь час. А дзеці могуць уключыць тэлевізар і ўбачыць такое”.

(Спадарыня: ) “Гэта халера ведае, што. Дзеці глядзяць”.

(Спадар: ) “Гэта непрымальна для сродку масавай інфармацыі. Гэта прыватнае жыцьцё грамадзяніна”.

(Спадарыня: ) “Гэта жахліва, і мне вельмі не падабаецца. Гэта ўсё прыватнае, і нельга такое дэманстраваць грамадзкасьці”.
XS
SM
MD
LG