Лінкі ўнівэрсальнага доступу

logo-print

Латвія пратэстуе супраць ператрусу ў кватэры дыплямата ў Менску


Радыё Свабода Паводле прэсавай службы латвійскага пасольства ў Беларусі, “25 ліпеня ў 3 гадзіны ночы прадстаўнікі сілавых структур Беларусі праніклі ў кватэру дыплямата пасольства Латвіі ў Менску і правялі ператрус, супрацоўнікамі адказных структур Беларусі былі канфіскаваныя асабістыя рэчы дыплямата”.

У паведамленьні латвійскага пасольства сьцьвярджаецца, што “гэты крок беларускіх уладаў зьяўляецца грубым парушэньнем Венскай канвэнцыі аб дыпляматычных зносінах. Беларускі бок нясе поўную адказнасьць за здарэньне”.

Імя дыплямата, у кватэры якога адбыўся ператрус, не паведамляецца.

У сувязі з інцыдэнтам МЗС Латвіі накіравала ноту ў беларускае МЗС. Акрамя таго, сёньня ў МЗС Латвіі быў выкліканы пасол Беларусі ў гэтай краіне, каб атрымаць ад яго тлумачэньні падзеі.

МЗС Латвіі нагадвае, што, паводле артыкулу 30 Венскай канвэнцыі, “прыватная рэзыдэнцыя дыпляматычнага агента карыстаецца той самай недатыкальнасьцю і абаронай, як і памяшканьні прадстаўніцтва; яго паперы, карэспандэнцыя і яго маёмасьць таксама карыстаюцца недатыкальнасьцю”.
XS
SM
MD
LG