Міністэрства замежных справаў Нямеччыны ў адмысловай заяве запатрабавала тэрміновага вызваленьня і Аляксандра Казуліна, і іншых палітычных зьняволеных. Нямецкі ўрад зноў заклікаў беларускія ўлады “захоўваць міжнародныя стандарты прававой дзяржавы, да выкананьня якіх іх абавязвае і ўласная канстытуцыя, і сяброўства ў АБСЭ”.
У тым, што вырак Аляксандру Казуліну зьяўляецца палітычна матываваным, пераканананы і кіраўнік зьнешняй палітыкі і палітыкі бясьпекі Эўрапейскага Зьвязу Хавіер Саляна. У ягонай заяве падкрэсьліваецца, што “Казулін быў арыштаваны ў часе мірнай дэманстрацыі пры ажыцьцяўленьні сваіх дэмакратычных правоў”. Вярхоўны прадстаўнік Эўразьвязу заклікаў беларускія ўлады адмяніць вырак, а таксама вызваліць усіх палітычных вязьняў. Хавіер Саляна яшчэ раз падкрэсьліў, што Эўразьвяз адчынены дзеля разьвіцьця стасункаў зь Беларусьсю, але гэта патрабуе ад яе канкрэтных крокаў у бок дэмакратызацыі і захаваньня правоў чалавека.
Нямецкі дыплямат і палітык Ганс-Георг Вік у інтэрвію нашаму радыё адзначыў, што вырак Казуліну – гэта прысуд колішняму апаратчыку, які з часам стаў дысыдэнтам. Былы кіраўнік місіі АБСЭ ў Менску выказаў меркаваньне, што зроблена гэта, каб застрашыць магчымых дысыдэнтаў з Лукашэнкавай намэнклятуры. Што тычыцца палітыкі, якую праводзіць Захад у дачыненьні да афіцыйнага Менску, дык паводле Ганса-Георга Віка, Захад пакуль ня мае нейкіх эфэктыўных мераў супраць беларускіх уладаў, усё абмяжоўваецца заявамі ды пагрозамі санкцыяў.
(Вік: ) “У Захаду, акрамя санкцыяў, па сутнасьці, няма нейкіх магчымасьцяў. Заявы Эўразьвязу й ЗША — гэта нязгода й непрыманьне рэжыму, але ж ня ўплыў на ўнутраную палітыку, дзе ўсё сканцэнтравана ў руках аднаго чалавека, — судовая сыстэма, кантроль за СМІ, эканамічная залежнасьць ад Расеі, мэханізм запалохваньня насельніцтва… Расею цалкам задавальняе гэтая сытуацыя. Масква, вядома, будзе сама ціснуць на Менск цэнамі на сыравіну. Аднак Лукашэнка і так у моцных руках Масквы. Зразумела, тут сваё слова павінна сказаць насельніцтва краіны. Калі насельніцтва спадзяецца, што далейшы лёс краіны зьвязаны з Расеяй, то гэта тыя пэрспэктывы, якія не абяцаюць нічога добрага. Аднак цяперашняя сытуацыя з гэтак званымі прывілеяванымі коштамі на газ і нафту — яна не застанецца надоўга, яна абавязкова зьменіцца”. Такое меркаваньне выказаў у інтэрвію нашаму радыё нямецкі дыплямат і палітык Ганс-Георг Вік.
***
Старшыня Парлямэнцкай Асамблеі Рады Эўропы Рэнэ ван дэр Ліндэн вітаў пазыцыю старшыні Эўрапейскага Зьвязу ў пытаньні аб ізаляцыі Беларусі, выказаную на мінулым тыдні міністрам замежных справаў Фінляндыі. Тады было заяўлена пра безвыніковасьць палітыкі ізаляцыі. Рэнэ ван дэр Ліндэр падкрэсьліў, што “хоць і існуюць глыбокія разыходжаньні зь Беларусьсю – адзінай эўрапейскай краінай, якая не заслужыла прыёму ў Раду Эўропы, – адзіным спосабам паляпшэньня сытуацыі, на ягоную думку, зьяўляецца дыялёг”. Старшыня ПАРЭ таксама сказаў, што “Фінляндыя як старшыня Эўрапейскага Зьвязу, у складзе якога 25 краінаў, і Расея як старшыня Рады Эўропы, якая аб’ядноўвае 46 эўрапейскіх дзяржаваў, могуць разам разьвіваць гэты дыялёг”. Ван дэр Ліндэн выказаў гатовасьць паехаць у Беларусь, калі гэта дапаможа ёй прасунуцца на шляху да дэмакратыі”.
У Літве пачаў працу новы міністар міністар замежных справаў Пятрас Вайцякунас, які да гэтага амаль год зьяўляўся амбасадарам у Менску. У першы ж дзень на пасадзе новы кіраўнік зьнешнепалітычнага ведамства адказаў на пытаньне нашага радыё, якое месца зойме Беларусь у зьнешняй палітыцы Літоўскай Рэспублікі:
(Вайцякунас: ) “Беларусь — гістарычная суседка Літвы. І таму, безумоўна, Беларусі будзе нададзеная асаблівая ўвага”.
У тым, што вырак Аляксандру Казуліну зьяўляецца палітычна матываваным, пераканананы і кіраўнік зьнешняй палітыкі і палітыкі бясьпекі Эўрапейскага Зьвязу Хавіер Саляна. У ягонай заяве падкрэсьліваецца, што “Казулін быў арыштаваны ў часе мірнай дэманстрацыі пры ажыцьцяўленьні сваіх дэмакратычных правоў”. Вярхоўны прадстаўнік Эўразьвязу заклікаў беларускія ўлады адмяніць вырак, а таксама вызваліць усіх палітычных вязьняў. Хавіер Саляна яшчэ раз падкрэсьліў, што Эўразьвяз адчынены дзеля разьвіцьця стасункаў зь Беларусьсю, але гэта патрабуе ад яе канкрэтных крокаў у бок дэмакратызацыі і захаваньня правоў чалавека.
Нямецкі дыплямат і палітык Ганс-Георг Вік у інтэрвію нашаму радыё адзначыў, што вырак Казуліну – гэта прысуд колішняму апаратчыку, які з часам стаў дысыдэнтам. Былы кіраўнік місіі АБСЭ ў Менску выказаў меркаваньне, што зроблена гэта, каб застрашыць магчымых дысыдэнтаў з Лукашэнкавай намэнклятуры. Што тычыцца палітыкі, якую праводзіць Захад у дачыненьні да афіцыйнага Менску, дык паводле Ганса-Георга Віка, Захад пакуль ня мае нейкіх эфэктыўных мераў супраць беларускіх уладаў, усё абмяжоўваецца заявамі ды пагрозамі санкцыяў.
(Вік: ) “У Захаду, акрамя санкцыяў, па сутнасьці, няма нейкіх магчымасьцяў. Заявы Эўразьвязу й ЗША — гэта нязгода й непрыманьне рэжыму, але ж ня ўплыў на ўнутраную палітыку, дзе ўсё сканцэнтравана ў руках аднаго чалавека, — судовая сыстэма, кантроль за СМІ, эканамічная залежнасьць ад Расеі, мэханізм запалохваньня насельніцтва… Расею цалкам задавальняе гэтая сытуацыя. Масква, вядома, будзе сама ціснуць на Менск цэнамі на сыравіну. Аднак Лукашэнка і так у моцных руках Масквы. Зразумела, тут сваё слова павінна сказаць насельніцтва краіны. Калі насельніцтва спадзяецца, што далейшы лёс краіны зьвязаны з Расеяй, то гэта тыя пэрспэктывы, якія не абяцаюць нічога добрага. Аднак цяперашняя сытуацыя з гэтак званымі прывілеяванымі коштамі на газ і нафту — яна не застанецца надоўга, яна абавязкова зьменіцца”. Такое меркаваньне выказаў у інтэрвію нашаму радыё нямецкі дыплямат і палітык Ганс-Георг Вік.
***
Старшыня Парлямэнцкай Асамблеі Рады Эўропы Рэнэ ван дэр Ліндэн вітаў пазыцыю старшыні Эўрапейскага Зьвязу ў пытаньні аб ізаляцыі Беларусі, выказаную на мінулым тыдні міністрам замежных справаў Фінляндыі. Тады было заяўлена пра безвыніковасьць палітыкі ізаляцыі. Рэнэ ван дэр Ліндэр падкрэсьліў, што “хоць і існуюць глыбокія разыходжаньні зь Беларусьсю – адзінай эўрапейскай краінай, якая не заслужыла прыёму ў Раду Эўропы, – адзіным спосабам паляпшэньня сытуацыі, на ягоную думку, зьяўляецца дыялёг”. Старшыня ПАРЭ таксама сказаў, што “Фінляндыя як старшыня Эўрапейскага Зьвязу, у складзе якога 25 краінаў, і Расея як старшыня Рады Эўропы, якая аб’ядноўвае 46 эўрапейскіх дзяржаваў, могуць разам разьвіваць гэты дыялёг”. Ван дэр Ліндэн выказаў гатовасьць паехаць у Беларусь, калі гэта дапаможа ёй прасунуцца на шляху да дэмакратыі”.
У Літве пачаў працу новы міністар міністар замежных справаў Пятрас Вайцякунас, які да гэтага амаль год зьяўляўся амбасадарам у Менску. У першы ж дзень на пасадзе новы кіраўнік зьнешнепалітычнага ведамства адказаў на пытаньне нашага радыё, якое месца зойме Беларусь у зьнешняй палітыцы Літоўскай Рэспублікі:
(Вайцякунас: ) “Беларусь — гістарычная суседка Літвы. І таму, безумоўна, Беларусі будзе нададзеная асаблівая ўвага”.
