Лінкі ўнівэрсальнага доступу

У Магілёве ўвечары разгарнулі расьцяжку “Бацька, народ хоча есьці!”


Радыё Свабода, Магілёў А 21 гадзіне на Савецкай плошчы Магілёва невядомыя разгарнулі расьцяжку “Бацька, народ хоча есьці!”. Мінула больш за гадзіну – расьцяжка застаецца разгорнутая і забірае ўвагу мінакоў.

Тры дні таму, 14 ліпеня, расьцяжку з партрэтам Аляксандра Казуліна і тэкстам “Свабоду Казуліну! Хочам справядлівага суду!” бачылі магілёўцы на той самай Савецкай плошчы. Расьцяжку зьдзерлі работнікі камунальнай службы пры дапамозе міліцыянтаў.

Учора ў часе флэш-мобу міліцыянты затрымалі 9 чалавек, у тым ліку 10-гадовага хлопца. Сярод затрыманых былі лідэр гарадзкой арганізацыі ТБМ Алег Дзьякоў, актывістка АГП Ірына Качарова, грамадзкія актывісты Кацярына Ільіна, Хрысьціна Шацікава. Усе яны пасьля прафіляктычнай гутаркі позна ўвечары былі адпушчаныя.
XS
SM
MD
LG