Сваю сядзібу-музэй будуе ля Зэльвы сям''я Мікановічаў. На завяршальным этапе гаспадары атрымалі грашовую падтрымку Праграмы разьвіцьця Арганізацыі Аб''яднаных Нацыяў. У Беларусі яна заахвочвае арыгінальныя праекты вясковага турызму. Гаворыць Лілія Мікановіч.
(Мікановіч: ) “Мы хочам паказаць прыгажосьць навакольля, на якую іншыя не зьвяртаюць увагу. Гэта – матылькі, жукі, восы. Асабліва матылькі. У іх зьдзіўляючая афарбоўка, уражлівае спалучэньне колераў”.
Са словаў Ліліі Мікановіч, у прыватнай калекцыі больш як 500 відаў беларускіх матылькоў, сотні стракозаў, камароў, трутняў. Кожны від мае сваю гісторыю.
(Мікановіч: ) “Гэтае захапленьне яшчэ зь дзяцінства. Пасьля – унівэрсытэт, мы разам закончылі БДУ. Тады гэта было невялікае хобі. А як фанатычнае разьвіваецца ў апошнія шэсьць-сем гадоў”.
У Міністэрстве культуры ўдакладняюць, што цяпер у краіне 135 музэяў у гарадох ды пасёлках. Яшчэ каля адной тысячы – на прадпрыемствах, ва ўстановах і школах. “Тэндэнцыі ў разьвіцьці прыватных музэяў не адсочваем”, – кажа начальнік ўправы Мінкульту Васіль Чэрнік.
(Чэрнік: ) “Гэтыя музэі – у мясцовым падпарадкаваньні, яны не падпарадкоўваюцца Міністэрству культуры”.
Дакладна, што першы ў Беларусі прыватны музэй, які месьціцца ў Старых Дарогах, быў заснаваны 17 гадоў таму Анатолем Белым. Прафэсар гаворыць пра тры дзесяткі вядомых яму пасьлядоўнікаў.
(Белы: ) “І гэтую тэндэнцыю не супыніць. Дзякуй Богу, што такое здарылася, мы можам ствараць сваё. Прынятыя некаторыя меры, што музэй на сядзібе – гэта недатыкальнае. Але яшчэ няма закону аб прыватных музэях. Калі рэгіструем на тэрыторыі раёну, то пачынаюцца нейкія падаткі, перасьледаваньні. Патрабуюць справаздачы і чорт ведае што яшчэ”.
(Мікановіч: ) “Мы хочам паказаць прыгажосьць навакольля, на якую іншыя не зьвяртаюць увагу. Гэта – матылькі, жукі, восы. Асабліва матылькі. У іх зьдзіўляючая афарбоўка, уражлівае спалучэньне колераў”.
Са словаў Ліліі Мікановіч, у прыватнай калекцыі больш як 500 відаў беларускіх матылькоў, сотні стракозаў, камароў, трутняў. Кожны від мае сваю гісторыю.
(Мікановіч: ) “Гэтае захапленьне яшчэ зь дзяцінства. Пасьля – унівэрсытэт, мы разам закончылі БДУ. Тады гэта было невялікае хобі. А як фанатычнае разьвіваецца ў апошнія шэсьць-сем гадоў”.
У Міністэрстве культуры ўдакладняюць, што цяпер у краіне 135 музэяў у гарадох ды пасёлках. Яшчэ каля адной тысячы – на прадпрыемствах, ва ўстановах і школах. “Тэндэнцыі ў разьвіцьці прыватных музэяў не адсочваем”, – кажа начальнік ўправы Мінкульту Васіль Чэрнік.
(Чэрнік: ) “Гэтыя музэі – у мясцовым падпарадкаваньні, яны не падпарадкоўваюцца Міністэрству культуры”.
Дакладна, што першы ў Беларусі прыватны музэй, які месьціцца ў Старых Дарогах, быў заснаваны 17 гадоў таму Анатолем Белым. Прафэсар гаворыць пра тры дзесяткі вядомых яму пасьлядоўнікаў.
(Белы: ) “І гэтую тэндэнцыю не супыніць. Дзякуй Богу, што такое здарылася, мы можам ствараць сваё. Прынятыя некаторыя меры, што музэй на сядзібе – гэта недатыкальнае. Але яшчэ няма закону аб прыватных музэях. Калі рэгіструем на тэрыторыі раёну, то пачынаюцца нейкія падаткі, перасьледаваньні. Патрабуюць справаздачы і чорт ведае што яшчэ”.
