Лінкі ўнівэрсальнага доступу

Марцін Гэкер: Казуліна судзяць менавіта як былога кандыдата ў прэзыдэнты


Радыё Свабода Наведаць суд над Аляксандрам Казуліным у суд Маскоўскага раёну Менску прыйшлі дыпляматы многіх эўрапейскіх краінаў. Аднак на прыступках будынку іх чакалі амапаўцы й супрацоўнікі спэцслужбаў у цывільным, якія забаранілі ўваход палітыкам і журналістам. Прадстаўнікі дыпляматычнага корпусу краіны здолелі патрапіць у залю паседжаньняў толькі пасьля звароту ў Міністэрства замежных справаў Рэспублікі Беларусь.

Працэс над Аляксандрам Казуліным амбасадар Нямеччыны ў Беларусі Марцін Гэкер назваў судом над былым кандыдатам у прэзыдэнты краіны. Праблемы, якія ўзьніклі перад пачаткам суду пры ўваходзе ў залю, спадар Гэкер пракамэнтаваў гэтак:

(Гэкер: ) “Гэта незвычайна. Я думаю, што з амбасадарамі гэта ня так часта здараецца. Мы інфармавалі МЗС, я патэлефанаваў і сказаў, што ў нас маленькія перашкоды. Я бачыў Казуліна — і ён бачыў, што мы там, ён нас усіх прывітаў. Мы яго ўсе ведаем, бо гэта задача амбасадараў — знаёміцца з кандыдатамі ў прэзыдэнты. Канечне, мы часта размаўлялі зь ім, ён быў у Нямеччыне, ён сустракаўся з маім кіраўніцтвам. Гэта вельмі важна, што мы можам сачыць за гэтым працэсам. Добра, што нас дапусьцілі на працэс”.
XS
SM
MD
LG