Сёньня каталіцкае сьвята Божага цела, у курыі выходны дзень, і тэлефоны не адказваюць. З нагоды гэтага сьвята штогоду праводзіцца вулічная працэсія з абразамі, сёлета яна адбудзецца ў выходныя. У Катэдральным касьцёле яшчэ не было набажэнства, але асобныя вернікі заходзілі ў храм. Калі адна зь верніц выйшла, перажагналася й пацалавала ўкрыжаваньне, я папрасіў яе сказаць пра тое, што яна думае пра новае прызначэньне Аляксандра Кашкевіча.
(Верніца: ) “Я толькі сёньня даведалася аб гэтай навіне, вельмі ўзрушаная, і мне вельмі радасна, што наш Гарадзенскі біскуп будзе ўзначальваць увесь каталіцкі касьцёл у Беларусі. Вельмі часта даводзілася бываць на набажэнстве, якое вёў Аляксандар Кашкевіч, і заўсёды зь вялікім узрушэньнем слухалі мы імшу. І нават, напрыклад, на Божае нараджэньне мы зь ім дзяліліся аплаткай, і ён нас дабраславіў”.
Для верніка гэта вялікі гонар — падзяліць аплатку на Божае нараджэньне з самім біскупам, сказала гэтая спадарыня. Паводле знаўцаў сытуацыі ў касьцёле, Аляксандар Кашкевіч лічыцца прадстаўніком хутчэй прапольскага крыла, хаця ён ведае беларускую мову й дае на ёй інтэрвію.
Антон Дзям’янка некалькі гадоў служыў у Гарадзенскай дыяцэзіі другім або дапаможным біскупам. Высьвечаны ён быў у Горадні ў Катэдральным касьцёле. Я быў на гэтай цырымоніі, высьвячэньне біскупа ў Беларусі — вельмі рэдкая падзея. Адна зь верніц гаворыць:
(Верніца: ) “Для нас, для беларускай суполкі пры парафіі, вельмі важна, што ён быў пробашчам Катэдральнага касьцёлу. І што ў яго бытнасьць пробашчам стала праводзіцца другая, прычым штодзённая імша ў 17.30 на беларускай мове”.
Гэтая верніца гаворыць, што для іх таксама важна, што Антон Дзям’янка тутэйшы чалавек: паходзіць зь Беларусі й карыстаецца беларускай мовай. Ён, дарэчы, неаднойчы, асабліва ў сьвяты, праводзіў на беларускай мове набажэнствы ў Катэдральным касьцёле.
Калі Антона Дзям’янку перавялі ў Менск, вернікі, якія наведваюць беларускую імшу, мне гаварылі, што вельмі пра гэта шкадуюць. Тым жа часам яны ўсьведамлялі, што ён зможа зрабіць шмат карыснага для ўсяго Касьцёлу ў Беларусі.
На леташняй працэсіі ў Горадні — Аляксандар Кашкевіч(на пярэднім пляне, зьлева ад яго Казімер Сьвёнтак з кардынальскім жазлом).
Аляксандру Кашкевічу 56 гадоў, ён нарадзіўся пад Эйшышкамі ў Літве непадалёк ад мяжы зь Беларусьсю. Да пераводу ў Горадню працаваў у касьцёле Сьвятога Духу у Вільні.
У Горадні 30 траўня адзначалі 30-годзьдзе сьвятарства Аляксандра Кашкевіча, а крыху раней 15-ю гадавіну ягонага высьвячэньня біскупам. У 1991 годзе, калі пачалі стварацца структуры каталіцкага касьцёлу ў Беларусі, адначасова былі прызначаны кіраўнікамі дыяцэзій Казімер Сьвёнтак і Аляксандар Кашкевіч.
На леташняй працэсіі ў Горадні — Антон Дзям’янка.
Антону Дзям’янку 46 гадоў, ён нарадзіўся пад Стоўбцамі. Улады не далі яму даведку, якая дазваляла паступіць у духоўную сэмінарыю, таму ён вучыўся падпольна пад Баранавічамі, разам яшчэ з двума будучымі ксяндзамі. Антон Дзям’янка быў высьвечаны таксама падпольна — у Літве. Будучы ўжо ксяндзом, ён мусіў прайсьці службу ў Савецкай арміі на Поўначы. Пасьля гэтага ён патаемна займаўся сьвятарскай службай, а з 1984 году працаваў у касьцёле ў Наваградку ўжо афіцыйна.
У Польшчы выдадзена кніга “Мартыралёг” са сьпісамі асобаў, якіх перасьледаваў камуністычны рэжым – сярод іх ёсьць і прозьвішча біскупа Антона Дзям’янкі.
Фота С.Астраўцова
(Верніца: ) “Я толькі сёньня даведалася аб гэтай навіне, вельмі ўзрушаная, і мне вельмі радасна, што наш Гарадзенскі біскуп будзе ўзначальваць увесь каталіцкі касьцёл у Беларусі. Вельмі часта даводзілася бываць на набажэнстве, якое вёў Аляксандар Кашкевіч, і заўсёды зь вялікім узрушэньнем слухалі мы імшу. І нават, напрыклад, на Божае нараджэньне мы зь ім дзяліліся аплаткай, і ён нас дабраславіў”.
Для верніка гэта вялікі гонар — падзяліць аплатку на Божае нараджэньне з самім біскупам, сказала гэтая спадарыня. Паводле знаўцаў сытуацыі ў касьцёле, Аляксандар Кашкевіч лічыцца прадстаўніком хутчэй прапольскага крыла, хаця ён ведае беларускую мову й дае на ёй інтэрвію.
Антон Дзям’янка некалькі гадоў служыў у Гарадзенскай дыяцэзіі другім або дапаможным біскупам. Высьвечаны ён быў у Горадні ў Катэдральным касьцёле. Я быў на гэтай цырымоніі, высьвячэньне біскупа ў Беларусі — вельмі рэдкая падзея. Адна зь верніц гаворыць:
(Верніца: ) “Для нас, для беларускай суполкі пры парафіі, вельмі важна, што ён быў пробашчам Катэдральнага касьцёлу. І што ў яго бытнасьць пробашчам стала праводзіцца другая, прычым штодзённая імша ў 17.30 на беларускай мове”.
Гэтая верніца гаворыць, што для іх таксама важна, што Антон Дзям’янка тутэйшы чалавек: паходзіць зь Беларусі й карыстаецца беларускай мовай. Ён, дарэчы, неаднойчы, асабліва ў сьвяты, праводзіў на беларускай мове набажэнствы ў Катэдральным касьцёле.
Калі Антона Дзям’янку перавялі ў Менск, вернікі, якія наведваюць беларускую імшу, мне гаварылі, што вельмі пра гэта шкадуюць. Тым жа часам яны ўсьведамлялі, што ён зможа зрабіць шмат карыснага для ўсяго Касьцёлу ў Беларусі.
На леташняй працэсіі ў Горадні — Аляксандар Кашкевіч(на пярэднім пляне, зьлева ад яго Казімер Сьвёнтак з кардынальскім жазлом).
Аляксандру Кашкевічу 56 гадоў, ён нарадзіўся пад Эйшышкамі ў Літве непадалёк ад мяжы зь Беларусьсю. Да пераводу ў Горадню працаваў у касьцёле Сьвятога Духу у Вільні.
У Горадні 30 траўня адзначалі 30-годзьдзе сьвятарства Аляксандра Кашкевіча, а крыху раней 15-ю гадавіну ягонага высьвячэньня біскупам. У 1991 годзе, калі пачалі стварацца структуры каталіцкага касьцёлу ў Беларусі, адначасова былі прызначаны кіраўнікамі дыяцэзій Казімер Сьвёнтак і Аляксандар Кашкевіч.
На леташняй працэсіі ў Горадні — Антон Дзям’янка.
Антону Дзям’янку 46 гадоў, ён нарадзіўся пад Стоўбцамі. Улады не далі яму даведку, якая дазваляла паступіць у духоўную сэмінарыю, таму ён вучыўся падпольна пад Баранавічамі, разам яшчэ з двума будучымі ксяндзамі. Антон Дзям’янка быў высьвечаны таксама падпольна — у Літве. Будучы ўжо ксяндзом, ён мусіў прайсьці службу ў Савецкай арміі на Поўначы. Пасьля гэтага ён патаемна займаўся сьвятарскай службай, а з 1984 году працаваў у касьцёле ў Наваградку ўжо афіцыйна.
У Польшчы выдадзена кніга “Мартыралёг” са сьпісамі асобаў, якіх перасьледаваў камуністычны рэжым – сярод іх ёсьць і прозьвішча біскупа Антона Дзям’янкі.
Фота С.Астраўцова