У невялікай клініцы на ўскраіне Прагі малады чалавек сядзіць ля спэцыяльнай машны, да якой падключаная спэцыяльная бандана на ягонай галаве. У левай руцэ ён трымае медны электрод, злучаны з біярэзанатарам машыны. Пры гэтым лекар Ян Рыхноўскі тлумачыць кліенту:
(Рыхноўскі: ) “Калі паглядзім на дысплэй і ўбачым, як гэтая рысачка зьнікае, то гэта значыць, што хваля вяртаецца да вас. Цяпер вы нічога не адчуваеце, але чакайце пакуль рысачка зьнікне. (Цік-цік. Цік-цік) Сыгнал слабы, але ці адчуваеце розьніцу?”
(Кліент: ) “Чую, як маю руку зьлёгку пашчыпвае”.
Лекар Ян Рыхноўскі кажа, што ягоная машына вызначае энэргетычны ўзор нікатыну ў целе і пасылае назад электрамагнэтычны сыгнал, які скасоўвае гэты ўзор і зьнішчае фізычную залежнасьць кліента ад нікатыну. Паводле ягоных словаў, гэты мэтад зьяўляецца пасьпяховым у 80 % выпадкаў. Калі ж гэтая цуд-машына не дапамагае, то ў клініцы ёсьць іншыя сродкі: гіпноз, акупунктура, інгаляцыя. І, нарэшце, сіла волі саміх кліентаў.
Але што ж лепш? Адказвае Кацярына Ланграва, кіраўніца Чэскай асацыяцыі супраць тытуню:
(Ланграва: ) “Няма ніякіх простых і магічных мэтадаў, а калі хтосьці абяцае імгненны і лёгкі мэтад, то гэта першы знак, які азначае, што нейкай сур''ёзнай дапамогі ня будзе”.
Паводле спадарыні Лангравай, усялякія альтэрнатыўныя мэтады могуць дапамагчы, калі чалавек сам вельмі захоча паверыць у іх эфэктыўнасьць. Кацярына Ланграва далей кажа, што для таго, каб кінуць паліць, трэба вызначыць найбольш зручны для гэтага момант і падыходзячую сытуацыю. Лепей за ўсё кідаць адразу, каб на раніцу прачнуцца чалавекам які не паліць. Але можна спыняць паліць і паступова, дзень за днём памяншаючы колькасьць ужытых цыгарэт, хаця гэта і працягвае непрыемны пэрыяд няпэўнасьці. Не пашкодзіць пры гэтым дапамога сям’і і сяброў, захапленьне спортам ці іншымі відамі актыўнай дзейнасьці, якія выціснулі б вобраз цыгарэты.
Тыя, хто мае грошы, могуць зьвярнуцца да лекараў, якія прапануюць адмысловую жуйку, нікатынавы плястыр ці інгаляцыю. Парада лекараў патрэбная і ў псыхалягічным аспэкце. У праскай клініцы перакананыя, што калі чалавек спрабаваў кінуць паліць раз—другі, але няўдала, то ня трэба адчайвацца, бо ёсьць болей шанцаў, што трэці раз будзе пасьпяховым.
Гл.таксама Беларускія ўлады плянуюць забараніць продаж цыгарэт асобам да 21 году
(Рыхноўскі: ) “Калі паглядзім на дысплэй і ўбачым, як гэтая рысачка зьнікае, то гэта значыць, што хваля вяртаецца да вас. Цяпер вы нічога не адчуваеце, але чакайце пакуль рысачка зьнікне. (Цік-цік. Цік-цік) Сыгнал слабы, але ці адчуваеце розьніцу?”
(Кліент: ) “Чую, як маю руку зьлёгку пашчыпвае”.
Лекар Ян Рыхноўскі кажа, што ягоная машына вызначае энэргетычны ўзор нікатыну ў целе і пасылае назад электрамагнэтычны сыгнал, які скасоўвае гэты ўзор і зьнішчае фізычную залежнасьць кліента ад нікатыну. Паводле ягоных словаў, гэты мэтад зьяўляецца пасьпяховым у 80 % выпадкаў. Калі ж гэтая цуд-машына не дапамагае, то ў клініцы ёсьць іншыя сродкі: гіпноз, акупунктура, інгаляцыя. І, нарэшце, сіла волі саміх кліентаў.
Але што ж лепш? Адказвае Кацярына Ланграва, кіраўніца Чэскай асацыяцыі супраць тытуню:
(Ланграва: ) “Няма ніякіх простых і магічных мэтадаў, а калі хтосьці абяцае імгненны і лёгкі мэтад, то гэта першы знак, які азначае, што нейкай сур''ёзнай дапамогі ня будзе”.
Паводле спадарыні Лангравай, усялякія альтэрнатыўныя мэтады могуць дапамагчы, калі чалавек сам вельмі захоча паверыць у іх эфэктыўнасьць. Кацярына Ланграва далей кажа, што для таго, каб кінуць паліць, трэба вызначыць найбольш зручны для гэтага момант і падыходзячую сытуацыю. Лепей за ўсё кідаць адразу, каб на раніцу прачнуцца чалавекам які не паліць. Але можна спыняць паліць і паступова, дзень за днём памяншаючы колькасьць ужытых цыгарэт, хаця гэта і працягвае непрыемны пэрыяд няпэўнасьці. Не пашкодзіць пры гэтым дапамога сям’і і сяброў, захапленьне спортам ці іншымі відамі актыўнай дзейнасьці, якія выціснулі б вобраз цыгарэты.
Тыя, хто мае грошы, могуць зьвярнуцца да лекараў, якія прапануюць адмысловую жуйку, нікатынавы плястыр ці інгаляцыю. Парада лекараў патрэбная і ў псыхалягічным аспэкце. У праскай клініцы перакананыя, што калі чалавек спрабаваў кінуць паліць раз—другі, але няўдала, то ня трэба адчайвацца, бо ёсьць болей шанцаў, што трэці раз будзе пасьпяховым.
Гл.таксама Беларускія ўлады плянуюць забараніць продаж цыгарэт асобам да 21 году