Сёньняшні дзень візыту пачаўся з інтэрвію, якое Аляксандар Мілінкевіч даў для трох тэлеканалаў, у тым ліку для “Эўраньюс”. Цягам дня ў яго заплянаваны шэраг сустрэчаў: са старшынём камісіі ў замежных справах Нацыянальнай асамблеі Францыі Эдуардам Балядзюрам, міністрам у эўрапейскіх справах францускага ўраду Катрын Калёна і з Жанам-Франсуа Тэралем, дырэктарам “Кантынэнтальнай Эўропы”, установы пры міністэрстве замежных справаў Францыі. Таксама ў яго заплянавана сустрэча з экспэртамі й палітолягамі, якія займаюцца праблемамі Ўсходняй Эўропы. Што ж цікавіць эўрапейцаў?
(Мілінкевіч: ) “Вельмі простае пытаньне ад усіх зыходзіць: прайшлі выбары, былі пратэсты, што далей думае рабіць дэмакратычная кааліцыя? А па-другое, кажуць: а як мы можам вам дапамагаць? Ну, і тут, я лічу, даволі лёгка адказваць, таму што патрэбная маральная, палітычная падтрымка. А звычайна, калі кажам пра канкрэтную падтрымку, то грамадзянская супольнасьць, мас-мэдыі й рэпрэсаваныя”.
Паводле спадара Мілінкевіча, фактычна вырашанае пытаньне з падтрымкай рэпрэсаваных студэнтаў. Ён вызначае таксама яшчэ адну важную мэту візыту ў Парыж і асноўную тэму размоваў з эўрапейскімі палітыкамі:
(Мілінкевіч: ) “Сёньня, я лічу, надзвычай важна — гэта змаганьне за незалежнасьць Беларусі. Бо яна пад пагрозай і можа так стацца, што барацьба за дэмакратыю будзе другаснай у параўнаньні з барацьбой за існаваньне сваёй краіны. І вельмі важна тут быць, таму што палітычная роля Парлямэнцкай Асамблеі НАТО велізарная. Гэта прадстаўнікі дзясяткаў парлямэнтаў, з усіх краінаў. І нам важна, каб яны нас падтрымалі, калі можа завагацца лёс беларускай незалежнасьці”.
Спадар Мілінкевіч меў таксама дыскусію з дэпутатамі расейскай Думы, якія ўхваляюць вынікі прэзыдэнцкіх выбараў у Беларусі.
(Мілінкевіч: ) “Я казаў, што гэта беспэрспэктыўны шлях для Расеі, і што яна павінна быць аб’ектыўнай і з намі кантактаваць, бо мы — будучыня Беларусі. У тым сэнсе, што з намі больш моладзі, адукаваных, інфармаваных людзей. Расея для нас стратэгічны партнэр, падкрэсьліваю кожны раз. Яны, на жаль, у большасьці сваёй прытрымліваюцца іншых пазыцыяў”.
(Мілінкевіч: ) “Вельмі простае пытаньне ад усіх зыходзіць: прайшлі выбары, былі пратэсты, што далей думае рабіць дэмакратычная кааліцыя? А па-другое, кажуць: а як мы можам вам дапамагаць? Ну, і тут, я лічу, даволі лёгка адказваць, таму што патрэбная маральная, палітычная падтрымка. А звычайна, калі кажам пра канкрэтную падтрымку, то грамадзянская супольнасьць, мас-мэдыі й рэпрэсаваныя”.
Паводле спадара Мілінкевіча, фактычна вырашанае пытаньне з падтрымкай рэпрэсаваных студэнтаў. Ён вызначае таксама яшчэ адну важную мэту візыту ў Парыж і асноўную тэму размоваў з эўрапейскімі палітыкамі:
(Мілінкевіч: ) “Сёньня, я лічу, надзвычай важна — гэта змаганьне за незалежнасьць Беларусі. Бо яна пад пагрозай і можа так стацца, што барацьба за дэмакратыю будзе другаснай у параўнаньні з барацьбой за існаваньне сваёй краіны. І вельмі важна тут быць, таму што палітычная роля Парлямэнцкай Асамблеі НАТО велізарная. Гэта прадстаўнікі дзясяткаў парлямэнтаў, з усіх краінаў. І нам важна, каб яны нас падтрымалі, калі можа завагацца лёс беларускай незалежнасьці”.
Спадар Мілінкевіч меў таксама дыскусію з дэпутатамі расейскай Думы, якія ўхваляюць вынікі прэзыдэнцкіх выбараў у Беларусі.
(Мілінкевіч: ) “Я казаў, што гэта беспэрспэктыўны шлях для Расеі, і што яна павінна быць аб’ектыўнай і з намі кантактаваць, бо мы — будучыня Беларусі. У тым сэнсе, што з намі больш моладзі, адукаваных, інфармаваных людзей. Расея для нас стратэгічны партнэр, падкрэсьліваю кожны раз. Яны, на жаль, у большасьці сваёй прытрымліваюцца іншых пазыцыяў”.
