Лінкі ўнівэрсальнага доступу

Расея ня хоча абмяркоўваць беларускае пытаньне на саміце "вялікай васьмёркі"


Радыё Свабода Пытаньні палітычнай сытуацыі ў Беларусі, а таксама тэрытарыяльнай цэласьці Малдовы, Грузіі і Азэрбайджана ня ўключаныя ў парадак дня саміту “вялікай васьмёркі” – такую заяву зрабіў сёньня памочнік прэзыдэнта Расеі, расейскі перамоўшчык у “васьмёрцы” Ігар Шувалаў.

Паводле яго гэтыя пытаньні ў першую чаргу павінны быць абмеркаваныя міністрамі замежных справаў “вялікай васьмёркі”. Шувалаў патлумачыў, што тыя пытаньні, па якіх міністры ня прыйдуць да згоды, могуць быць перададзеныя лідэрам дзяржаваў і яны могуць іх абмеркаваць. “Але мы не плянавалі ўключаць іх у парадак дня – лічым гэта няправільным” – заявіў памочнік прэзыдэнта Расеі.

Днямі намесьнік дзяржсакратара ЗША Нікалас Бэрнс выказаў меркаваньне, што гэтыя пытаньні павінны быць у парадку дня сустрэчы лідэраў “васьмёркі”. Нагадаем, што саміт мае адбыцца ў ліпені ў Санкт-Пецярбургу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG