Крычаўскі “Вольны горад” публікуе шэраг вельмі вострых матэрыялаў: “Манэўры бюракратаў”, “Пракурор, адкажы”, “Мент наехаў на мянтоў”. Галоўны рэдактар тыднёвіка Сяржук Няроўны:
(Няроўны: ) “Старэйшы лейтэнант дзяржаўтаінспэкцыі спадар Кісялёў, які затрымаў у студзені наклад “Вольнага гораду”, звольнены з пасады і нават выгнаны з ДАІ. Ён добра “пагуляў” на шашлыках, потым выехаў на трасу ў стане алькагольнага ап''яненьня і ўрэзаўся ў аўтамабіль, у якім ехалі супрацоўнікі міліцыі з вобласьці. Па гэтай прычыне не ўдалося “замяць” інцыдэнт”.
“Па новых пашпартах за мяжу лепш ня езьдзіць”, – папярэджвае “Комсомольская правда” в Белоруссии”. Бо з новым узорам беларускага пашпарту, куды фатаздымак цяпер не ўклейваецца, а ўдрукоўваецца, замежныя амбасады і памежнікі яшчэ не знаёмыя.
“Капітан закрыў сабой шарагоўца ад выбуху гранаты”. Надзвычайнае здарэньне адбылося на звычайных вучэньнях у раёне Маларыты. Камандзір дагэтуль зьдзіўляецца, як яму ўдалося ўзьняць салдата, які важыць на 20 кіляграмаў болей.
Хваля флэшмобу ў абарону “Нашай Нівы” дакацілася да Віцебску, паведамляе “Витебский курьер”. Моладзь сядзела, падсьцяліўшы пад сябе “Советскую Белоруссию”, на прыступках драматычнага тэатру імя Якуба Коласа і чытала "Нашу ніву", якая цяпер знаходзіцца пад пагрозай закрыцьця. Міліцыя флэшмобу не перашкаджала.
У Расонскім раёне днямі адчыніцца турысцка-паляўнічы комплекс “Эўрапарк” з гатэлем “Бабровая хата”. Тут будуць самыя розныя забавы – ад паляваньня і рыбалкі да конных шпацыраў.
“Бобруйский курьер” перадрукоўвае з папулярнага расейскага часопісу “Итоги” артыкул Рыгора Саніна “Гарадок у табакерцы”. Аўтар дасьледуе, чаму купка вядомых у контаркультуры інтэрнет-пэрсанажаў стварыла “Супольнасьць Бабруйску” і пасылае туды няўдалых аўтараў-графаманаў. Аказваецца, у Бабруйску жылі нашчадкі Пушкіна, Ільф і Пятроў у “Залатым цяляці” пісалі: “Бабруйск лічыўся цудоўным высокакультурным месцам”. Бабруйск згадваў у сваёй песьні Ўладзімер Высоцкі…
(Няроўны: ) “Старэйшы лейтэнант дзяржаўтаінспэкцыі спадар Кісялёў, які затрымаў у студзені наклад “Вольнага гораду”, звольнены з пасады і нават выгнаны з ДАІ. Ён добра “пагуляў” на шашлыках, потым выехаў на трасу ў стане алькагольнага ап''яненьня і ўрэзаўся ў аўтамабіль, у якім ехалі супрацоўнікі міліцыі з вобласьці. Па гэтай прычыне не ўдалося “замяць” інцыдэнт”.
“Па новых пашпартах за мяжу лепш ня езьдзіць”, – папярэджвае “Комсомольская правда” в Белоруссии”. Бо з новым узорам беларускага пашпарту, куды фатаздымак цяпер не ўклейваецца, а ўдрукоўваецца, замежныя амбасады і памежнікі яшчэ не знаёмыя.
“Капітан закрыў сабой шарагоўца ад выбуху гранаты”. Надзвычайнае здарэньне адбылося на звычайных вучэньнях у раёне Маларыты. Камандзір дагэтуль зьдзіўляецца, як яму ўдалося ўзьняць салдата, які важыць на 20 кіляграмаў болей.
Хваля флэшмобу ў абарону “Нашай Нівы” дакацілася да Віцебску, паведамляе “Витебский курьер”. Моладзь сядзела, падсьцяліўшы пад сябе “Советскую Белоруссию”, на прыступках драматычнага тэатру імя Якуба Коласа і чытала "Нашу ніву", якая цяпер знаходзіцца пад пагрозай закрыцьця. Міліцыя флэшмобу не перашкаджала.
У Расонскім раёне днямі адчыніцца турысцка-паляўнічы комплекс “Эўрапарк” з гатэлем “Бабровая хата”. Тут будуць самыя розныя забавы – ад паляваньня і рыбалкі да конных шпацыраў.
“Бобруйский курьер” перадрукоўвае з папулярнага расейскага часопісу “Итоги” артыкул Рыгора Саніна “Гарадок у табакерцы”. Аўтар дасьледуе, чаму купка вядомых у контаркультуры інтэрнет-пэрсанажаў стварыла “Супольнасьць Бабруйску” і пасылае туды няўдалых аўтараў-графаманаў. Аказваецца, у Бабруйску жылі нашчадкі Пушкіна, Ільф і Пятроў у “Залатым цяляці” пісалі: “Бабруйск лічыўся цудоўным высокакультурным месцам”. Бабруйск згадваў у сваёй песьні Ўладзімер Высоцкі…